سەمەيدە 2021 جىلى اشىلعان بالالارعا ارنالعان «قامقورلىق» وڭالتۋ پەريناتالدىق ورتالىعى بۇگىنگى كۇنى وڭىردەگى جاس سابيلەردىڭ دەنساۋلىعىن جاقسارتۋعا بارىنشا كۇش سالىپ كەلەدى. ورتالىقتىڭ بۇرىنعى عيماراتىندا پەرزەنتحانا بولعانىمەن, بۇگىنگى كۇنى مۇندا دەنساۋلىعىندا اقاۋى بار جاس سابيلەر جانىنا شيپا تاۋىپ, ۇلكەن مۇمكىندىكتەرگە قول جەتكىزىپ جاتىر, دەپ جازادى Egemen.kz.
اتالعان ورتالىق 3 جاستان 18 جاسقا دەيىنگى بالالاردى قابىلداپ جانە ءۇش ايدان ءۇش جاسقا دەيىنگى بالالاردى وڭالتۋ سىيندى ەكى بولىمنەن تۇرادى. ءار ءبولىم اي سايىن 50 بالانى قابىلدايدى. اشىلعان ساتتەن باستاپ ورتالىقتا ءۇش مىڭنان استام بالا وڭالتۋدان وتكەن. مۇنىڭ ىشىندە 1000-عا جۋىق بالا تاۋلىك بويى ستاتسيوناردا ەم قابىلداپ, كومەك الادى. ورتالىق اقش, ۇلىبريتانيا, اۆستراليا, رەسەي جانە باسقا دا شەت ەلدەردەن جەتكىزىلگەن زاماناۋي قوندىرعىلارمەن جاساقتالعان. مۇمكىندىگى زور تەحنيكالارمەن جابدىقتاۋعا ايماقتاعى ءىرى كاسىپورىندار ساناتىنداعى KAZ Minerals توبى 112 ملن تەڭگە قاراجات بولگەن.
«قامقورلىق» وڭالتۋ پەريناتالدىق ورتالىعى وبلىس ورتالعى سەمەي قالاسىنىڭ تۇرعىندارىن عانا قابىلداپ قانا قويماي, قالاعا جاقىن ماڭدا ەلدى مەكەندەردىڭ دە بالالارىن قابىلداپ, قىرۋار قىزمەت اتقارىپ جاتىر. وسى ورتالىق اشىلعانعا دەيىن وڭىردەنى بالالار استانا مەن الماتىداعى وڭالتۋ ورتالىقتارىندا كەزەگىن كۇتسە, بۇگىندە كۇنبە-كۇن ەم الۋىنا جاعداي جاسالىپ وتىر.
دەنساۋلىق ساقتاۋ باسقارماسنىڭ دەرەگىنشە قازىر سەمەي قالاسىندا پسيحولوگيالىق تۇرعىدان دامۋى تەجەلگەن نەمەسە ءارتۇرلى اقاۋلارى بايقالعان مۇگەدەكتىگى بار بالالار وتە كوپ ەكەنى ايتىلادى. اتالعان ورتالىقتا پسيحولوگيالىق اۋىتقۋشىلىققا ۇشىراعان بالالارمەن ماماندار 1,5-2 ساعات بويىندا ۇزدىكسىز قىزمەت كورسەتەدى.
وتكەن جىلى ءجۇرىپ-تۇرۋى تەجەلگەن 61 بالا العاشقى قادامدارىن جاساسا, سويلەۋى وسىعان دەيىن تەرىس ناتيجە بەرگەن 105 بالا وڭالتۋ كۋرسىنان كەيىن العاشقى سوزدەرىن ايتقان. بۇل بالالار ءۇشىن دە, وسىندا قىزمەت اتقاراتىن دارىگەرلەر ءۇشىن دە ۇلكەن جەڭىس ەكەنىن ايتادى ورتالىق ماماندارى.ورتالىقتاعى ترەناجەرلار مەن تسەرەبرالدى سال اۋرۋىنا ارنالعان قۇرىلعىلار, ومىرتقا مەن بۋىنداردىڭ جۇمىسىن جاقسارتادى. وڭالتۋ كۋرسىنا جاتتىعۋ تەراپياسى, فيزيوتەراپيا, جارىقپەن ەمدەۋ, سۋ ماسساجى, لوگوپەد جانە دەفەكتولوگپەن بىرگە جۇرگىزىلەتىن ساباقتار كىرەدى.
مامانداردىڭ سوزىنشە, بالالارعا ارنالعان كەشەندى وڭالتۋ قىزمەتى اسىرەسە دامۋدىڭ العاشقى كەزەڭدەرىندە - 3 ايدان 3 جاسقا دەيىنگى ارالىقتا اۋاداي قاجەت, ويتكەنى 3 جاسقا دەيىن بالانىڭ ميى وڭالتۋ ەمىن ەركىن قابىلداي الادى. وڭالتۋدى نەعۇرلىم ەرتە باستاسا مۇگەدەكتىكتىگى بار بالالاردىڭ ونى جەڭۋىنە مول مۇمكىندىگى بار ەكەنىن ايتادى.