تسەحتان 8 ملن تەڭگەنىڭ الكوگول ءونىمى تابىلدى, دەپ حابارلايدى Egemen.kz.
پوليتسيا قىزمەتكەرلەرى مەن ەكونوميكالىق تەرگەۋ دەپارتامەنتىنىڭ وكىلدەرى اۋداندىق پروكۋراتۋرانىڭ ۇيلەستىرۋىمەن قارابالىقتا زاڭسىز الكوگول ءوندىرىسىن انىقتاۋ بويىنشا بىرلەسكەن ءىس-شارا جۇرگىزدى.
«قۇقىق قورعاۋ ورگاندارىنىڭ نازارى وبلىسقا شىنى ىدىستاردىڭ ۇلكەن پارتياسىن اكەلگەن جۇك تاسىمالداۋ قىزمەتىن كورسەتەتىن كاسىپكەرگە اۋدارىلدى. جۇرگىزىلگەن جەدەل ءىس-شارالار ناتيجەسىندە وبلىس ورتالىعىنداعى ىقشاماۋدانداردىڭ ءبىرىنىڭ اۋماعىندا كونترافاكتىلىك ونىمدەرى بار تسەح انىقتالدى. ءتىنتۋ كەزىندە الكوگول ونىمدەرىن وندىرۋگە جانە بوتەلكەگە قۇيۋعا ارنالعان جابدىقتار, سونداي-اق 0,5 ليترلىك 2 180 بوتەلكە الكوگول تاركىلەندى», دەلىنگەن حابارلامادا.
سونىمەن قاتار زاڭسىز ءونىمدى جونەلتۋ پۋنكتى انىقتالىپ, جويىلدى. وسى ورىنعا جەتكىزىلگەن گازەل كولىگىندە 3 مىڭ بوتەلكە الكوگول مەن سپيرتتىك ءونىم بولۋى مۇمكىن 5 ليترلىك سۇيىقتىعى بار 16 كانيستر تابىلدى.جەدەل ىزدەستىرۋ شارالارىنىڭ ناتيجەسىندە 36 جاستاعى جەرگىلىكتى تۇرعىن ۇستالدى. بۇل وقيعا بويىنشا سوتقا دەيىنگى تەرگەۋ باستالدى.