قوناەۆ قالاسىندا قازاقستان حالقى اسسامبلەياسىنىڭ (قحا) 30 جىلدىعى مەن العىس اي̆تۋ كۇنىنە ارنالعان سالتاناتتى ءىس-شارالار ءوتتى. وبلىستىق اكىمدىكتە ەتنوسارالىق كەلىسىم تۋرالى ماڭىزدى پىكىرتالاستار ءوتىپ, مەرەكەنىڭ شارىقتاۋ شەگى قالالىق مادەنيەت ۇي̆ىندەگى كونتسەرتتىك باعدارلاما بولدى, دەپ جازادى Egemen.kz اقپارات اگەنتتىگى.
دوڭگەلەك ۇستەلدە الماتى وبلىسىنىڭ اكىمى مارات سۇلتانعازيەۆ قحا-نىڭ 30 جىل بوي̆ى ەلدەگى تۇراقتىلىق پەن تولەرانتتىلىقتى نىعاي̆تۋعا قوسقان ۇلەسىن ەرەكشە اتاپ ءوتتى.
- قازاقستان حالقى اسسامبلەياسى ءارتۇرلى ەتنوس پەن ءدىني توپتاردىڭ ۇي̆لەسىمدى ءومىر ءسۇرۋىن قامتاماسىز ەتۋدە ماڭىزدى ءرول اتقارادى. ونىڭ قىزمەتىنىڭ ارقاسىندا قازاقستان مادەنيەتارالىق ديالوگ سالاسىنداعى جۇي̆ەلى ساياساتتىڭ ۇلگىسىنە اي̆نالدى, – دەدى وبلىس اكىمى.
حالىقتار دوستىعىنىڭ ماڭىزدىلىعى تۋرالى قحا دەپۋتاتى, ازەرباي̆جان ەتنومادەني بىرلەستىگىنىڭ توراعاسى وسمان اسىلى مەن قاپشاعاي̆ قالاسىنىڭ العاشقى قۇرىلىسشىلارىنىڭ ءبىرى چجەن الەكساندر ءوز پىكىرلەرىن ءبىلدىردى.
سالتاناتتى ءبولىم بارىسىندا ءتۇرلى كاسىپ يەلەرى ءوڭىردىڭ دامۋىنا قوسقان ۇلەسى ءۇشىن العىس حاتتارمەن ماراپاتتالدى.
مەرەكە ءوڭىردىڭ شىعارماشىلىق ۇجىمدارىنىڭ قاتىسۋىمەن وتكەن كونتسەرتپەن جالعاستى. كورەرمەندەر ۇلتتىق بيلەر مەن حالىق اندەرىن تاماشالاپ, ءداستۇرلى اسپاپتاردا ورىندالعان اۋەندەردەن ءلاززات الدى.
وسى كۇنى كوپبالالى اناعا “قارەكەت” قاي̆ىرىمدىلىق قورىنىڭ قولداۋىمەن پاتەر كىلتىن تابىستاۋى ەرەكشە قۋانىش سىيلادى. كەش سوڭىندا قازاقستاندىقتاردىڭ بىرلىگى مەن ءوزارا قۇرمەتى – ەلدىڭ باستى كۇشى ەكەنى ايرىقشا اتالدى.
العىس ايتۋ كۇنىنە وراي, «قاي̆ىرىمدىلىق كەرۋەنى» اتتى اكتسيا ۇي̆ىمداستىرىلدى. اكتسيا اياسىندا ەرىكتىلەر قالالىق پەرزەنتحاناعا بارىپ, 1-ناۋرىزدا دۇنيە ەسىگىن اشقان سابيلەر مەن ولاردىڭ اتا-انالارىنا ارناي̆ى سىي̆لىقتار تابىس ەتتى. شارا بارىسىندا قازاقستاننىڭ ەڭبەك سىڭىرگەن قايراتكەرى, «پاراسات» وردەنىنىڭ يەگەرى اسىلى وسمان جورگەكتەگى سابيلەردىڭ امان-ەسەن شيراپ, ەل ازاماتى بولىپ ەرجەتۋىنە تىلەكتەستىگىن ءبىلدىرىپ, اق باتاسىن بەردى.
اقجاراما تىلەكتەر اقتارىلعان بۇل كۇنى كوپبالالى جانە الەۋمەتتىك از قامتىلعان وتباسىلارعا ماتەريالدىق كومەك كورسەتىلىپ, مۇقتاج جاندارعا ارنالعان قاي̆ىرىمدىلىق جارمەڭكەسى ۇي̆ىمداستىرىلدى. ەرىكتىلەر كيىم-كەشەك, ازىق-ت ۇلىك پەن تۇرمىسقا قاجەتتى زاتتاردى جيناپ, مۇقتاج وتباسىلارعا ۇلەستىردى.
«العىس اي̆تۋ كۇنى – جاقسىلىقتىڭ قاراپاي̆ىم يگى ىستەردەن باستالاتىنىن ەسكە سالاتىن كۇن. وسىنداي̆ باستامالار قوعامدى ودان ءارى بىرىكتىرىپ, ىزگىلىككە باستاي̆دى», – دەدى كمم «قوعامدىق كەلىسىم جانە دامۋ ورتالىعىنىڭ» باسشىسى اباي̆ ەلبوسىن.
قازاقستان حالقى اسسامبلەياسى وكىلدەرى بۇل يگى ءداستۇردى جالعاستىرىپ, الداعى ۋاقىتتا باسقا قالالاردا دا وسىنداي̆ قاي̆ىرىمدىلىق اكتسيالارىن وتكىزۋدى جوسپارلاپ وتىرعاندارىن جەتكىزدى.
الماتى وبلىسى