حالىقارالىق ينجەنەرلىك-تەحنولوگيالىق ۋنيۆەرسيتەتىندە (METU ۋنيۆەرسيتەتى) قازاقستان مەن قىتاي ەلدەرى اراسىندا ونەركاسىپ پەن ءبىلىم بەرۋدى ينتەگراتسيالاۋ ماقساتىندا حالىقارالىق فورۋم ءوتتى, دەپ حابارلايدى Egemen.kz.
وسى فورۋم اياسىندا حالىقارالىق ينجەنەرلىك-تەحنولوگيالىق ۋنيۆەرسيتەتىندە قىتاي ەلىنىڭ ءبىلىم, عىلىم سالالارىنداعى وزىق تەحنولوگيالارىن بولىسۋگە دايىن كومپانيالارمەن ىنتىماقتاسا وتىرىپ تسزينشي ينستيتۋتى اشىلىپ, ءوز جۇمىسىن باستادى.
تسزينشي ينستيتۋتى («مۇناي-حيميالىق تەحنولوگيا» ماماندىعى بويىنشا) - بۇل HUATEC, قازاقستان حالىقارالىق ينجەنەرلىك-تەحنولوگيالىق ۋنيۆەرسيتەتى جانە شىڭجاڭ قولدانبالى تەحنولوگيا ينستيتۋتى بىرلەسىپ سالعان حالىقارالىق ءبىلىم بەرۋ جوباسى. HUATEC ونەركاسىپ پەن ءبىلىم ينتەگراتسياسى كاسىپورنىنىڭ رەسۋرستىق ارتىقشىلىقتارىنا تولىق مۇمكىندىك بەرەدى, قىتاي جانە قازاق جوعارى وقۋ ورىندارى اراسىندا اكادەميالىق الماسۋ جانە تالانتتاردى وقىتۋ ءۇشىن پلاتفورما قۇرىپ, قىتاي مەن قازاقستان اراسىنداعى مادەني الماسۋدى ىلگەرىلەتەدى.
فورۋمدا ءسوز العان حالىقارالىق ينجەنەرلىك-تەحنولوگيالىق ۋنيۆەرسيتەتىنىڭ رەكتورى گۇلنار سارسەنبەكوۆا:
ء«بىلىم – كەز كەلگەن مەملەكەت وركەندەۋىنىڭ نەگىزى. ءبىزدىڭ ۋنيۆەرسيتەت ديالوگ پەن جاڭا مۇمكىندىكتەرگە اشىق. ەكى ەل اراسىنداعى ىنتىماقتاستىق سەرىكتەستىگى ءبىلىم مەن عىلىمنىڭ قارقىندى دامۋىنا نەگىز بولادى. فورۋمنىڭ باستى كەزەڭى - تسزينشي ينستيتۋتىنىڭ METU ۋنيۆەرسيتەتىندە اشىلۋى. تسزينشي ينستيتۋتىنىڭ ونەركاسىپ-ءبىلىم ينتەگراتسياسى سالاسىنداعى ەرەن ەڭبەگى حالىقارالىق دارەجەدە مويىندالۋدا. الەمدىك دەڭگەيدەگى وزىق تەحنولوگيالارمەن ءبولىسۋدى ماقسات تۇتقان بۇگىنگى يگى شارا - ۇلى جىبەك جولىنداعى ەكى ەلدىڭ بولاشاققا ۇمتىلۋداعى قۇندىلىقتارى مەن ۇمىتتەرىن ارتتىرادى», دەپ اتاپ ءوتتى.
قىتاي ءبىلىم مينيسترلىگى قىتاي-شەتەل مادەني الماسۋ ورتالىعىنىڭ ديرەكتورى يۋ چانسيۋە ەكى ەلدىڭ تاتۋ كورشى, سەنىمى جوعارى دوس, ءوزارا تابىسقا قول جەتكىزگەن جاقسى سەرىكتەس ەكەنىن جەتكىزدى.
«كەيىنگى جىلدارى ەكى ەل باسشىلارىنىڭ بىرلەسكەن باسشىلىعىمەن قىتاي مەن قازاقستان جان-جاقتى ستراتەگيالىق ىنتىماقتاستىق سەرىكتەستىگى ودان ءارى تەرەڭدەي ءتۇسىپ, مادەني الماسۋى ەكىجاقتى قارىم-قاتىناستىڭ ماڭىزدى تۇعىرىنا اينالدى. ءبىلىم بەرۋ ول مادەني الماسۋدىڭ ماڭىزدى بولىگى رەتىندە جەمىستى ناتيجەلەرگە قول جەتكىزدى. تسزينشي جوباسى جۇزەگە استى. بۇل جوبا «جوو-جوو-كاسىپورىن» بىرلەسكەن ءبىلىم بەرۋ ۇلگىسىن جاڭارتادى, قىتايدا «تسزينشي حالىقارالىق ينستيتۋت» جانە شەتەلدە «تسزينشي ينستيتۋت» قۇرىلىسىنان باستالادى. جوبادا حالىقارالىق وقىتۋ پلاتفورماسىن جاسايدى,, حالىقارالىق وقۋ باعدارلامالارىنىڭ رەسۋرستارىن ازىرلەيدى, حالىقارالىق كاسىبي قۇرىلىس ستاندارتتارىن قالىپتاستىرادى جانە حالىقارالىق قولدانبالى تەحنيكالىق دارىندىلاردى تاربيەلەيدى. جوبا جۇزەگە اسىرىلعالى بەرى سوڭعى بەس جىل ىشىندە قازاقستاندا, تايلاندتا, لاوستا, كامبودجادا, رەسەيدە, ەگيپەتتە جانە باسقا دا ەلدەردە 30 «تسزينشي ينستيتۋت» سالىندى», دەدى يۋ چانسيۋە.
فورۋم بارىسىندا حالىقارالىق ينجەنەرلىك-تەحنولوگيالىق ۋنيۆەرسيتەتىنىڭ رەكتورى گۇلنار سارسەنبەكوۆا مەن قىتايدىڭ تسزينشي ينستيتۋتىن سالۋ بويىنشا نانكين پوليتەح ينستيتۋتىنىڭ رەكتورى چجان سياوتسزيۋن ىنتىماقتاستىق تۋرالى مەموراندۋمعا, سونىمەن بىرگە تسزيلين ەلەكتروندى اقپارات كاسىپتىك كوللەدجى پارتيا كوميتەتى حاتشىسىنىڭ ورىنباسارى شي حۋنفامەن بىرگە ىنتىماقتاستىق تۋرالى مەموراندۋمعا قول قويدى.