اقتوبە قالاسىنىڭ №2 سوتى «ALT اقتوبە گۋمانيتارلىق-تەحنيكالىق كوللەدجىنىڭ» ديرەكتورى گۇلبانۋ تاكىشەۆانى كوممەرتسيالىق پارا العانى ءۇشىن كىنالى دەپ تانىدى.
تەرگەۋ مالىمەتتەرى بويىنشا, تاكىشەۆا 2023 جىلى ورىنباسارىنا 2024 جىلعى تۇلەكتەردەن بەلگىلى ءبىر سومادا اقشا جيناۋدى تاپسىرعان. ستۋدەنتتەر وندىرىستىك پراكتيكانى اياقتاعانى تۋرالى بەلگى ءۇشىن 10 مىڭ تەڭگە, سەسسيادان وتكەنى ءۇشىن 5 مىڭ تەڭگە, ال مەملەكەتتىك ەمتيحانداردى قيىندىقسىز تاپسىرۋ ءۇشىن 20 مىڭ تەڭگە تولەۋى كەرەك بولعان.
تاپسىرما توپ كۋراتورلارىنا جەتكىزىلىپ, ناتيجەسىندە 108 ستۋدەنتتەن 500 مىڭ تەڭگە جينالعان. بۇل قاراجات ديرەكتوردىڭ ورىنباسارى ارقىلى تاكىشەۆانىڭ قولىنا بەرىلگەن. كەيىن ول تاعى 1 ميلليون 90 مىڭ تەڭگە العان كەزدە ۇستالدى.
سوتتا تاكىشەۆا ءوز كىناسىن مويىندامادى. الايدا ستۋدەنتتەر ەمتيحان تاپسىرماي, اقشا بەرگەندەرىن راستادى.
سوت ۇكىمى ءالى زاڭدى كۇشىنە ەنگەن جوق.