بۇگىن ءماجىلىستىڭ جالپى وتىرىسىندا ماقۇلدانعان زاڭ جوباسى بويىنشا جۇرگىزۋشىلەردى دايارلاۋمەن اينالىساتىن كاسىبي بىرلەستىكتەر مەن وقۋ ۇيىمدارىنىڭ قىزمەتىنە مەملەكەتتىك باقىلاۋ ەنگىزىلەدى, دەپ جازادى Egemen.kz.
زاڭ جوباسى بويىنشا اۆتومەكتەپتەردى رەتتەۋدىڭ جاڭا مودەلى ۇسىنىلىپ وتىر. ەندى ولاردىڭ قىزمەتى ارنايى ءتىزىلىم ارقىلى رۇقسات بەرۋ رەجيمىنە كوشىرىلەدى. بۇل قىزمەت كورسەتۋشىلەردى نارىققا كىرۋ كەزىندە باقىلاۋدى كۇشەيتىپ, ماتەريالدىق-تەحنيكالىق بازانىڭ اشىقتىعىن, وقىتۋشىلار قۇرامىنىڭ تەكسەرىلۋىن جانە اقپاراتتىق جۇيەلەر ارقىلى وقۋ پروتسەسىنىڭ قاداعالانۋىن قامتاماسىز ەتۋگە مۇمكىندىك بەرەدى. سونداي-اق كولىك جۇرگىزۋشىلەرىن دايارلاۋ سالاسىن دامىتۋ ماسەلەلەرىندە كاسىبي بىرلەستىكتەردىڭ ءرولى مەن مارتەبەسى ارتا تۇسپەك.
ايتا كەتەيىك, ءماجىلىس جول قاۋىپسىزدىگىن كۇشەيتۋگە جانە جەكە دەرەكتەردى قورعاۋدى جەتىلدىرۋگە باعىتتالعان زاڭ جوباسىن ءبىرىنشى وقىلىمدا ماقۇلدادى. قۇجاتقا سايكەس, ەندى جەدەل جاردەم مەن اۆتوبۋستار جول ەرەجەسىن بۇزعانداردى تىركەيدى.