مەملەكەت باسشىسى بۇگىنگى تاڭدا ارميانى زامان تالابىنا ساي نىعايتىپ, ەلىمىزدىڭ قورعانىس قابىلەتىن ارتتىرۋعا قاجەتتى بارلىق شارا قابىلدانىپ جاتقانىنا نازار اۋداردى, دەپ حابارلايدى Egemen.kz.
مەملەكەت باسشىسى بۇگىنگى تاڭدا ارميانى زامان تالابىنا ساي نىعايتىپ, ەلىمىزدىڭ قورعانىس قابىلەتىن ارتتىرۋعا قاجەتتى بارلىق شارا قابىلدانىپ جاتقانىنا نازار اۋداردى.
«قاۋىپسىزدىك ماسەلەلەرى, ەلىمىزدىڭ قورعانىس قابىلەتىن كۇشەيتۋ, قىزمەتتەردىڭ بەدەلىن كوتەرۋ – نەگىزگى مەملەكەتتىك باسىمدىقتار مەن مىندەتتەر. سوڭعى جىلدارى اسكەري قىزمەتشىلەرگە, قۇقىق قورعاۋ جانە ارناۋلى ورگاندار قىزمەتكەرلەرىنە كەڭىنەن قولداۋ كورسەتىلىپ كەلەدى. اتاپ ايتقاندا, يپوتەكالىق باعدارلامالار ىسكە قوسىلدى, ەڭبەكاقى كولەمى كەزەڭ-كەزەڭىمەن ارتىپ, الەۋمەتتىك جەڭىلدىكتەر كوبەيدى. كۇشتىك قۇرىلىمدار ساپىنا جاستاردى كوپتەپ تارتىپ, كادرلىق الەۋەتتى نىعايتۋ ىسىنە كوڭىل بولىنۋدە. مەن اسكەري وقۋ ورىندارىنىڭ ۇزدىك تۇلەكتەرىن ىنتالاندىرۋ جونىندە تاپسىرما بەردىم. پارلامەنتتە ۇزدىك ءبىلىم الۋشىلارعا وقۋدى تامامداعان كەزدە بىردەن «اعا لەيتەنانت» دارەجەسىن بەرۋگە قاتىستى ءتيىستى تۇزەتۋلەر قاراستىرىلىپ جاتىر. جالپى, بيىل جانە كەلەسى جىلدار اسكەري ءبىلىم بەرۋ ساپاسىن ارتتىرۋعا ارنالۋى كەرەك», دەدى قاسىم-جومارت توقاەۆ.پرەزيدەنتتىڭ پىكىرىنشە, ەلىمىزدىڭ اۋماقتىق تۇتاستىعىن قورعاۋ, ۇلتتىق قاۋىپسىزدىكتى قامتاماسىز ەتۋ, «زاڭ جانە ءتارتىپ» يدەولوگياسىن ورنىقتىرۋ جاۋاپتى ءارى جاسامپاز پاتريوتيزممەن تىعىز ۇشتاساتىن اسا ماڭىزدى مىندەت.
ء«بىز قۇقىقتىق نيگيليزمگە جول بەرمەيتىن, اڭىزداعى نەمەسە قولدان جاسالعان «باتىرلاردى» ەمەس, بۇرىنعى جانە بۇگىنگى ناعىز قاھارمانداردى قۇرمەت تۇتاتىن ۇيلەسىمدى قوعام قۇرۋىمىز قاجەت. تۋعان ەلى مەن حالقىنىڭ يگىلىگى جولىندا ادال قىزمەت ەتكەن, ار مەن نامىستى بارىنەن بيىك قويعان ازاماتتار جاستارعا ۇلگى بولۋعا ءتيىس. ولاردىڭ قاتارىندا قازا تاپقاننان كەيىن ەرلىكتەرى مەن باتىرلىقتارى ەلەنىپ, وردەن-مەدالمەن ماراپاتتالعان اسكەريلەر, پوليتسەيلەر, قۇتقارۋشىلار, ارناۋلى ورگان قىزمەتكەرلەرى دە از ەمەس. مەنىڭ باستاماممەن ولاردىڭ ەسىمدەرى كوشەلەر مەن ءتۇرلى مەكەمەلەرگە بەرىلىپ جاتىر. مۇنداي ءتاسىلدى ۆەدومستۆولىق ناگراداعا قاتىستى دا پايدالانۋعا بولادى. وسىنداي العاشقى ماراپاتتىڭ ءبىرى – ون بەس جىل بۇرىن جانىنان بەزگەن تەررورشىنى ۇستاۋ بارىسىندا قازا تاپقان پوليتسيا كاپيتانى عازيز بايتاسوۆ اتىنداعى مەدال. ءبىزدىڭ ماقساتىمىز – باتىرلارىمىزدىڭ ەرلىگىن ماڭگى ەستە قالدىرۋ, وتانداستارىمىزدىڭ جارقىن بەينەسىن جۇرەگىمىزدە ساقتاۋ, وسكەلەڭ ۇرپاقتى ناعىز ەرلىككە, قايسارلىققا جانە شىنايى پاتريوتيزمگە تاربيەلەۋ», دەدى قاسىم-جومارت توقاەۆ. ەسكە سالا كەتەيىك, بۇگىن قاسىم-جومارت توقاەۆ مەملەكەتتىك ماراپات جانە اسكەري شەن تاپسىرۋ راسىمىندە ءسوز سويلەدى. جيىندا مەملەكەت باسشىسى قازاقستان – بىرىككەن ۇلتتار ۇيىمىنىڭ بىتىمگەرلىك ميسسياسىن دەربەس ورىنداۋ مارتەبەسىنە يە بولعان تاۋەلسىز مەملەكەتتەر دوستاستىعى ىشىندەگى جالعىز مەملەكەت ەكەنىن ايتتى.