ىشكى ىستەر ءمينيسترىنىڭ ورىنباسارى سانجار ءادىلوۆ ءماجىلىس كۋلۋارىندا شىمكەنتتە بولعان نۇراي سەرىكبايدىڭ ولىمىنە قاتىستى تەرگەۋ ىسىنە پىكىر ءبىلدىردى, دەپ حابارلايدى Egemen.kz.
ۆيتسە-ءمينيستردىڭ سوزىنشە, تەرگەۋ جۇمىستارى اياقتالۋعا جاقىن.
«نۇراي سەرىكبايدىڭ ءولىمى بويىنشا ءىس اياقتالۋ ساتىسىندا. جابىرلەنۋشى تاراپ ۇسىنعان ۋاجدەر تەكسەرىلىپ جاتىر», دەدى سانجار ءادىلوۆ.
بۇعان دەيىن ۆيتسە-مينيستر بۇل ءىس بويىنشا سوت-پسيحياتريالىق ساراپتاما اياقتالعانىن حابارلاعان ەدى. ەندى ساراپتاما قورىتىندىسىنا سايكەس, كۇدىكتى ەسى دۇرىس دەپ تانىلىپ, تولىق كولەمدە سوت الدىندا جاۋاپ بەرەدى.
«ول زاڭ الدىندا ەسى دۇرىس تۇلعا رەتىندە جاۋاپ بەرەدى. قازىرگى تاڭدا تەرگەۋ اياقتالۋ ساتىسىندا», دەپ اتاپ ءوتتى ول.
جازادان قۇتىلا المايدى: نۇراي سەرىكبايدى ولتىرگەن كۇدىكتىنىڭ اقىل-ەسى دۇرىس دەپ تانىلدى
ەسكە سالايىق, قايعىلى وقيعا بيىل 11 قاڭتاردا بولعان. باقىلاۋ كامەرالارىنداعى جازبالاردا ەر ادامنىڭ نۇرايدى قۋىپ جەتىپ, وعان پىشاق جاراقاتىن سالعانى جانە وقيعا ورنىنان قاشىپ كەتكەنى كورىنەدى. ەكى كۇننەن كەيىن 28 جاستاعى كۇدىكتى شىمكەنت ماڭىندا ۇستالعان.
پرەزيدەنت قاسىم-جومارت توقاەۆ بۇل ىسكە نازار اۋدارىپ, قۇقىق قورعاۋ ورگاندارىنىڭ ارەكەتىن تەكسەرۋدى تاپسىرعان بولاتىن.
نۇربولات امانبەك