ششۋچينسك قالاسىنداعى 12 ادامنىڭ ءومىرىن قيعان جارىلىسقا قاتىستى ءىس بويىنشا «Plov Loft» ورتالىعىنىڭ يەسىن قاماۋدا ۇستاۋ مەرزىمى ۇزارتىلدى, دەپ جازادى Egemen.kz.
تەرگەۋ مالىمەتىنشە, ءدامحانا يەسى ءورت قاۋىپسىزدىگى تالاپتارىنىڭ ساقتالۋىنا جاۋاپتى رەتىندە كۇدىككە ىلىنگەن. ول ناۋرىز ايىنىڭ باسىندا ەكى ايعا قاماۋعا الىنعان ەدى. ەندى ونىڭ قاماۋ مەرزىمى تاعى ءبىر ايعا ۇزارتىلعان.
سونداي-اق ءساۋىر ايىنىڭ سوڭىندا بۇل ءىس اياسىندا اۆتوگاز قۇيۋ ستانتسياسىنىڭ ديرەكتورى مەن گاز باللوندارىن جەتكىزۋشىنىڭ ۇستالعانى حابارلانعان. ولار باللونداردى تولتىرۋ جانە جەتكىزۋ قىزمەتتەرىن كورسەتۋ كەزىندە زاڭ تالاپتارىن بۇزدى دەگەن كۇدىككە ىلىنگەن. تەرگەۋ ولاردىڭ ارەكەتىن قىلمىستىق كودەكستىڭ 306-بابى 3-بولىگى («تۇتىنۋشىلاردىڭ ءومىرى مەن دەنساۋلىعى قاۋىپسىزدىگى تالاپتارىنا ساي كەلمەيتىن قىزمەت كورسەتۋ, ابايسىزدا ەكى نەمەسە ودان دا كوپ ادامنىڭ دەنساۋلىعىنا زيان كەلتىرۋ جانە ادام ولىمىنە اكەپ سوعۋ») بويىنشا سارالاعان. بۇل باپ بويىنشا 8 جىلعا دەيىن باس بوستاندىعىنان ايىرۋ جازاسى قاراستىرىلعان. سوت سانكتسياسىمەن كۇدىكتىلەردىڭ ءبىرى قاماۋعا الىنسا, ەكىنشىسى ۇيقاماققا جىبەرىلدى.
ششۋچينسكتەگى جارىلىستان زارداپ شەككەندەردىڭ جاعدايى قالاي؟
قازىر ءىس بويىنشا سوتقا دەيىنگى تەرگەۋ امالدارى جالعاسىپ جاتىر. سونىمەن قاتار اتالعان وقيعاعا بايلانىستى قىلمىستىق كودەكستىڭ 292-بابى 3-بولىگى ء(«ورت قاۋىپسىزدىگى تالاپتارىن بۇزۋ, ابايسىزدا ەكى نەمەسە ودان دا كوپ ادامنىڭ ولىمىنە اكەپ سوعۋ») بويىنشا دا قىلمىستىق ءىس قوزعالدى. اتالعان باپ 5 جىلدان 10 جىلعا دەيىن باس بوستاندىعىنان ايىرۋ جازاسىن كوزدەيدى.
ەسكە سالايىق, ءدامحانادا گاز جارىلىسىنان كەيىن شىققان ءورت سالدارىنان 9 ادام قازا تاپتى.