ىشكى ىستەر مينيسترلىگى «قازتسينك» كاسىپورنىنداعى جارىلىستىڭ سالدارىنا جانە تۇرعىندارعا وتەماقى تولەۋ ماسەلەسىنە قاتىستى تۇسىنىكتەمە بەردى. ۆەدومستۆو وكىلدەرىنىڭ ايتۋىنشا, وقيعادان كەيىن وڭىردەگى اۋا ساپاسىنا جەدەل ولشەۋلەر جۇرگىزىلگەن, الايدا زەرتتەۋ ناتيجەلەرى ءالى تولىق وڭدەلىپ جاتىر. بۇل تۋرالى ءىىم باسشىسىنىڭ ورىنباسارى سانجار ءادىلوۆ ءماجىلىس كۋلۋارىندا مالىمدەدى, دەپ حابارلايدى Egemen.kz.
سانجار ءادىلوۆتىڭ ايتۋىنشا, ءاربىر تالداۋ بەلگىلى ءبىر زەرتحانالىق راسىمدەردەن وتەدى.
«بۇگىن ناتيجەلەر دايىن بولادى دەپ كۇتەمىن. ەگەر سىنامالاردا شەكتى رۇقسات ەتىلگەن كونتسەنتراتسيادان اسۋ فاكتىلەرى انىقتالسا, توتەنشە جاعداي سالدارىنان قورشاعان ورتاعا كەلتىرىلگەن زالال كولەمى ەسەپتەلەدى», دەدى ول.
وسكەمەندەگى جارىلىس: ولجاس بەكتەنوۆ جاعدايدى جەكە باقىلاۋىنا الدى
سونىمەن قاتار ول تۇرعىندارعا وتەماقى تولەۋ ماسەلەسى قورشاعان ورتانى قورعاۋ سالاسىنداعى ۋاكىلەتتى ورگاننىڭ قۇزىرەتىندە ەكەنىن اتاپ ءوتتى.
دەپۋتات باقىتجان بازاربەكتىڭ مالىمدەمەسىنەن كەيىن كاسىپورىندارعا جوسپاردان تىس تەكسەرىس جۇرگىزىلۋى مۇمكىن بە دەگەن سۇراققا جاۋاپ بەرگەن ءادىلوۆ مۇنداي شارالار كاسىپكەرلىك كودەكس تالاپتارىنا سايكەس جۇزەگە اسىرىلاتىنىن ايتتى.
«ەگەر دەپۋتاتتاردان لاستانۋ فاكتىلەرىن راستايتىن رەسمي ءوتىنىش كەلىپ تۇسسە, اۋماقتىق بولىمشەلەر تەكسەرۋ جۇرگىزەدى. قازىرگى دەرەكتەرگە سايكەس, «قازگيدرومەت» ولشەۋلەرىندە زياندى زاتتاردىڭ شەكتى رۇقسات ەتىلگەن مولشەردەن اسۋى تىركەلگەن جوق», دەدى ءىىم وكىلى.
وسكەمەندەگى جارىلىس: زارداپ شەككەندەردىڭ قازىرگى جاعدايى بەلگىلى بولدى
ەسكە سالايىق, 5 مامىر كۇنى تاڭەرتەڭ وسكەمەن قالاسىنداعى كاسىپورىن اۋماعىندا جارىلىس بولىپ, ءورت شىققان ەدى.
نۇربولات امانبەك