قازاقستان ازاماتتاردىڭ جەكە مالىمەتتەرىن قورعاۋدى كۇشەيتۋگە باعىتتالعان جاڭا زاڭنامالىق تۇزەتۋلەردى ازىرلەپ جاتىر. بۇل وزگەرىستەر دەربەس دەرەكتەردىڭ قورعالۋىنا قاتىستى كونستيتۋتسيالىق نورمالاردى ناقتىلاي ءتۇسۋدى كوزدەيدى, دەپ حابارلايدى Egemen.kz.
زاڭ جوباسىنا سايكەس, دەربەس دەرەكتەرمەن جۇمىس ىستەيتىن وپەراتورلار وڭدەيتىن اقپارات كولەمى مەن ىقتيمال قاۋىپ دەڭگەيىنە قاراي شاعىن, ورتا جانە ءىرى ساناتتارعا بولىنەدى. سوعان بايلانىستى ءار ساناتقا قويىلاتىن تالاپتار دا وزگەشە بولادى. وسىلايشا, سالادا تاۋەكەل دەڭگەيىنە نەگىزدەلگەن رەتتەۋ تەتىگى ەنگىزىلمەك.
جەكە دەرەكتەر مەن گادجەتتەردى الاياقتاردان قالاي قورعاۋعا بولادى؟
جاڭاشىلدىقتاردىڭ ءبىرى – تارالىپ كەتكەن دەربەس دەرەكتەردىڭ ارنايى ءتىزىلىمىن قۇرۋ. مەملەكەتتىك اقپاراتتىق جۇيە ارقىلى ءاربىر ازامات وزىنە قاتىستى قانداي مالىمەتتەردىڭ اشىق قولجەتىمدىلىككە شىعىپ كەتكەنىن نەمەسە تارالۋ قاۋپى بار ەكەنىن تەكسەرە الادى. بۇل جەكە دەرەكتەردىڭ زاڭسىز قولدانىلۋىنىڭ الدىن الىپ, ازاماتتارعا دەر كەزىندە قورعانۋ شارالارىن قابىلداۋعا مۇمكىندىك بەرەدى.
يۋنيسەف: جاڭا كونستيتۋتسيا تسيفرلىق داۋىردە جەكە دەرەكتەردى قورعاۋدى كۇشەيتەدى
سونىمەن بىرگە دەربەس دەرەكتەردى جاريالاۋ جانە ۇيىمدار اراسىندا الماسۋ كەزىندە قاۋىپسىزدىك تالاپتارى كۇشەيتىلەدى. مىسالى, اشىق تۇردە جاريالانۋى ءتيىس قۇجاتتاردا جەكە مالىمەتتەر مىندەتتى تۇردە جاسىرىلۋى قاجەت. بۇدان بولەك, حەش-كود قولدانۋ جانە وپەراتورلار اراسىندا اقپارات الماسقاندا دەرەكتەردى شيفرلاۋ تالابى ەنگىزىلەدى.
پاۆلوداردا 2 000-نان استام قىزمەتكەردىڭ جەكە دەرەگى ينتەرنەتتە تارالىپ كەتكەن