ءماجىلىس دەپۋتاتى مۇرات ابەنوۆ ىشكى ىستەر مينيسترلىگىنە شەتەل ازاماتتارىنىڭ قازاقستانعا قارۋ-جاراق الىپ كەلۋى, ساقتاۋى قانشالىقتى زاڭدى ەكەنى تۋرالى سۇراق قويدى, دەپ حابارلايدى Egemen.kz.
دەپۋتات شەتەل ازاماتتارىنىڭ قازاقستان اۋماعىنا زاڭسىز قارۋ اكەلۋ قۇقىعىنا قاتىستى ماسەلە كوتەردى.
«شەتەل ازاماتتارىنىڭ قازاقستانعا كەز كەلگەن قارۋدى, ونىڭ ىشىندە انتيكۆارلىق نەمەسە مۋزەيلىك قارۋدى الىپ كەلۋىنە رۇقسات بار ما؟ ازاماتتار ول قارۋدى كوشەدە الىپ جۇرە الا ما؟ قارۋدى بوتەن ادامنىڭ پاتەرىندە ساقتاۋ قانشالىقتى زاڭدى؟ جۋىردا نازارباەۆ ۋنيۆەرسيتەتى اۋماعىنان قارۋ تابىلعانى بەلگىلى بولدى. وسىعان بايلانىستى نە ايتاسىز؟ پاتەر يەسى ەمەس ادامنىڭ, قارۋ ساقتاۋعا ارنالماعان جەردە قارۋدى ساقتاۋىنا نەمەسە ۇستاۋىنا زاڭ بويىنشا رۇقسات ەتىلە مە؟», دەدى مۇرات ابەنوۆ.
دەپۋتات ساۋالىنا جاۋاپ بەرگەن ىشكى ىستەر مينيسترلىگىنىڭ وكىلى نازارباەۆ ۋنيۆەرسيتەتىندە تابىلعان قارۋعا قاتىستى تەكسەرۋ جۇرگىزىلىپ جاتقانىن ايتتى. سونداي-اق ول انتيكۆارلىق قارۋدى ءتيىستى ليتسەنزيا بولعان جاعدايدا جانە ارنايى قوراپتا تاسىمالداۋعا رۇقسات ەتىلەتىنىن جەتكىزدى.