قاراعاندى وبلىسىندا كوستەنكو اتىنداعى شاحتادا 46 كەنشىنىڭ ولىمىنە قاتىستى قىلمىستىق ءىس بويىنشا تەرگەۋ اياقتالدى. بۇل تۋرالى باس پروكۋرور بەرىك اسىلوۆ X الەۋمەتتىك جەلىسىندەگى پاراقشاسىندا مالىمدەدى, دەپ حابارلايدى Egemen.kz.
«باس پروكۋراتۋرا ارنايى پروكۋرورلارىنىڭ باسشىلىعىمەن ۆجتت كوستەنكو شاحتاسىنداعى 46 كەنشىنىڭ قازاسىنا قاتىستى قىلمىستىق ءىستى تەرگەۋدى اياقتادى. 10 ايىپتالۋشىعا قاتىستى ءىس تاۋ-كەن جۇمىستارىنىڭ قاۋىپسىزدىك ەرەجەلەرىن بۇزۋ (قك 277-بابىنىڭ 3-بولىگى) بويىنشا سوتقا جولداندى», دەلىنگەن حابارلامادا.
ەستەرىڭىزگە سالا كەتەيىك, قايعىلى وقيعا كوستەنكو اتىنداعى شاحتادا 2023 جىلدىڭ 28 قازاندا بولدى. جارىلىس كەزىندە كەنىشتە 252 ادام بولعان, ونىڭ ىشىندە 206-سى جەر بەتىنە شىعىپ ۇلگەرگەن, ال قالعاندارى قازا تاپتى.