اتىراۋدا 5 جاسار بۇلدىرشىنگە قاتىگەزدىك كورسەتكەن جەكە بالاباقشا تاربيەشىسىنىڭ ءىسى بويىنشا سوت ۇكىم شىعاردى, دەپ حابارلايدى Egemen.kz «اق جايىق» باسىلىمىنا سىلتەمە جاساپ.
ءىس اتىراۋ وبلىسىنىڭ كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتىندا قارالعان.ء ىس ماتەريالدارىنا سايكەس, مۇعالىم ساباق ۇستىندە بالانى ۇرىپ-سوققان. ناتيجەسىندە سوت-مەديتسينالىق ساراپتامانىڭ قورىتىندىسى بويىنشا بالانىڭ وڭ جاق سانىندا كوگەرگەن ءىز قالعانى انىقتالعان.
تاربيەشىگە قاتىگەزدىك تانىتتى دەگەن ايىپ تاعىلىپ, جينالعان ماتەريالدار نەگىزىندە ونىڭ كىناسى تولىق دالەلدەنگەن.
پروكۋرور سوتتالۋشىعا بەلگىلى ءبىر لاۋازىمداردى نەمەسە قىزمەتپەن اينالىسۋ قۇقىعىنان 3 جىل مەرزىمگە ايىرا وتىرىپ, 80 ايلىق ەسەپتىك كورسەتكىش مولشەرىندە ايىپپۇل سالۋ جازاسىن تاعايىنداۋدى سۇراعان.
سوتتالۋشى مەن ونىڭ قورعاۋشىسى ءوز كىناسىن تولىق مويىنداپ, كەشىرىم سۇراپ, قاتاڭ جازا قولدانباۋدى وتىنگەن. جابىرلەنۋشى تاراپ تا جازانى جەڭىلدەتۋ تۋرالى ءوتىنىش بىلدىرگەن.
سوت قۇقىق بۇزۋشىلىقتىڭ سيپاتىن, ونىڭ قوعامدىق قاۋىپتىلىك دارەجەسىن, سوتتالۋشىنىڭ جەكە باسىن, وتباسىلىق جاعدايىن ەسكەرگەن.
ناتيجەسىندە سوت تاربيەشىنى قر قك 140-بابى 2-بولىگىمەن كىنالى دەپ تانىپ, وعان پەداگوگيكالىق لاۋازىمداردى جانە كامەلەتكە تولماعاندارمەن جۇمىس ىستەۋىمەن بايلانىستى لاۋازىمداردى اتقارۋ قۇقىعىنان 1 جىل مەرزىمگە ايىرا وتىرىپ, 80 ايلىق ەسەپتىك كورسەتكىش مولشەرىندە (314 560 تەڭگە) ايىپپۇل جازاسىن تاعايىندادى.
سوت ۇكىمى زاڭدى كۇشىنە ەنگەن جوق.