اۋىلعا باعىتتالعان وڭ كوزقاراس

مەملەكەت باسشىسىنىڭ ايتىپ وتىرعانى – 2020 جىلى قابىل­دان­عان «اۋىلدىق اۋماقتاردى دا­مىتۋ» تۇجىرىمداماسى. بۇعان دەيىن ءاربىر جوبا جەكە-جەكە جۇزەگە اسىرىلىپ كەلسە (ينفراقۇرىلىمدى دامىتۋ, ءبىلىم بەرۋ, ەكونوميكا سالاسىنداعى جوبالار), قازىر ولاردىڭ بارلىعى ءبىرتۇتاس تۇجىرىمداما اياسىندا قامتىلىپ, ىسكە اسىرىلۋى سول قۇجات نەگىزىندە باعالانىپ, قادا­عا­لانىپ وتىر. بۇل – تيىمدىلىك پەن ۇيلەسىمدىلىكتى ارتتىرۋعا باعىت­تالعان ماڭىزدى قادام.

الداعى ۋاقىتتا اۋىلدى دا­مى­تۋعا باعىتتالعان ءىس-شارا­لاردا ءارتۇرلى سالاعا قا­تىس­تى جوبالاردىڭ ءبىر-بىرى­­مەن ۇي­لەسۋىنە ەرەكشە نازار اۋدا­رىلادى. بۇعان دەيىن بۇل جوبالار ءوز الدىنا جەكە جۇزەگە اسىرىلىپ كەلسە, ەندى ولاردىڭ ءوزارا ۇيلەسىمدىلىگىن ارتتىرۋ شارالارى قولعا الىنىپ جا­تىر. مىسالى, «اۋىل – ەل بەسىگى» باعدارلاماسى اياسىندا ينفراقۇرىلىمدىق جوبا­­لار ەندى «اۋىل اماناتى» باع­دارلاماسى ىسكە اسىرىلىپ جاتقان اۋىلدارعا باسىمدىقپەن جۇرگىزىلمەك. سول سياقتى «اۋىل اماناتى» بو­يىنشا ەكونو­مي­كا­لىق جوبالار «اۋىل – ەل بەسىگى» اياسىندا ينفرا­قۇرىلىمى دامىتىلىپ جات­قان اۋىل­داردا جۇزەگە اسى­رىلماق.

سونىمەن قاتار ەكى باعدار­لا­ما­عا دا جاڭارتۋلار ەنگىزۋ جوس­پارلانىپ وتىر. اتاپ ايتقاندا, «اۋىل – ەل بەسىگى» اياسىندا «اۋىل اماناتى» بويىنشا جۇزەگە اسىرىلىپ جاتقان جوبالارعا ينفرا­قۇرىلىم تارتۋ ماسەلەسى شەشىلەدى. الەۋەتى جوعارى اۋىلدار مەن اۋدان ورتالىقتارىندا شاعىن يندۋستريالىق ايماقتار قۇرۋ ماسەلەسى پىسىقتالىپ جاتىر.

ەگەر بۇل باستاما جۇزەگە اسسا, ءار وڭىردە ءبىر-ەكى ءىرى اۋىلدا وسىنداي شاعىن يندۋستريالىق ايماقتار اشىلادى. بۇل ايماقتار «اۋىل اماناتى» اياسىندا جۇزەگە اسىرىلىپ جاتقان جوبالاردى ينفرا­قۇ­رىلىممەن قامتاماسىز ەتەدى. وندىرىلەتىن ونىمدەردى ساقتاۋ, تاڭبالاۋ, تۇتىنۋشىلارعا جەت­كىزۋ سياقتى لوگيستيكالىق قىز­مەتتەر ۇسىنادى.

جالپى, اۋىلدى كەشەندى دامىتۋ باعىتىنداعى جاڭا شارالار اۋىل تۇرعىندارىنىڭ ءومىر ساپاسىن جاقسارتۋعا جانە اۋىل شارۋا­شى­لىعىنىڭ تيىمدىلىگىن ارتتىرۋعا باعىتتالىپ وتىر.

نۇربولات قۇرمەت ۇلى,

«ەكونوميكالىق زەرتتەۋلەر ينستيتۋتى» اق ورتالىعىنىڭ ديرەكتورى