كوكتەمدە شەنەۋنىكتەر بۇلانباي اۋىلىنداعى جاڭا مەكتەپ قۇرىلىسىنىڭ جوبالىق-سمەتالىق قۇجاتتاماسىن ازىرلەۋگە كىرىسەدى, دەپ حابارلايدى Egemen.kz.
«وبلىس اكىمى اسايىن قۋاندىق ۇلى بايحانوۆتىڭ تاپسىرماسىمەن ورتەنگەن مەكتەپتىڭ ورنىنا بالا سانىنا سايكەس جاڭا وقۋ عيماراتى سالىنادى. مەكتەپتىڭ سالىنۋى ءبىلىم وشاعىن جوندەۋدەن بولەك, اۋىلدىڭ الەۋمەتتىك ينفراقۇرىلىمىن جاقسارتۋدا ماڭىزدى قادام بولماق. شاعىن جيناقتى مەكتەپ قۇرىلىسىن باستاۋ ءۇشىن جوبالىق-سمەتالىق قۇجاتتامانى ازىرلەپ, بيۋدجەتتەن قارجى ءبولۋ قاجەت», دەدى پاۆلودار وبلىسى ءبىلىم باسقارماسىنىڭ باسشىسى سامال ايتقازينا.
ايتا كەتەيىك, ورتتەن كەيىن بىردەن بۇلانباي اۋىلىنداعى مەكتەپتىڭ وقۋشىلارىن اۋىلدىق شاعىن ورتالىققا ۋاقىتشا ورنالاستىرۋ تۋرالى شەشىم قابىلدانعان.
ەستەرىڭىزگە سالا كەتەيىك, 23 قاڭتار كۇنى ەرتىس اۋدانىنداعى بۇلانباي اۋىلىنداعى جالپى ءبىلىم بەرەتىن مەكتەپتەن ءورت شىقتى.ء ورت سوندىرۋشىلەر 130 شارشى مەتر اۋماقتا تاراعان قىزىل ءجالىندىى تەز ارادا وقشاۋلاعانىمەن, بۇل ۋاقىتتا مەكتەپ تولىعىمەن جانىپ ۇلگەرگەن.