بوكستان قازاقستان ەرلەر قۇراماسىنىڭ باس باپكەرى قايرات ءساتجانوۆ Sport+ ارناسىنا سۇحبات بەرىپ, ساكەن بيبوسىنوۆ پەن اسلانبەك شىمبەرگەنوۆتىڭ بوكستاعى بولاشاعى تۋرالى باياندادى, دەپ جازادى Egemen.kz.
باس باپكەر 51 كەلىدەگى ۇلتتىق قۇراما مۇشەسى ساكەن بيبوسىنوۆ الداعى جالپىكوماندالىق جاتتىعۋ جيىندارىنا قاتىسپايتىنىن مالىمدەدى.
پاريج وليمپياداسىنان كەيىن شارشى الاڭعا كوتەرىلمەگەن اسلانبەك شىمبەرگەنوۆتىڭ دە جوسپارلارىمەن ءبولىستى.
«ساكەن ازيا چەمپيوناتى الدىندا ارقاسىنان جاراقات الىپ قالعان ەدى, سوندىقتان ول الداعى جيىندارعا قاتىسپايدى. ال اسلانبەك وبلىستار اراسىنداعى چەمپيوناتقا نازار اۋدارماق. بىراق كەلەسى جىلى چەمپيون بولىپ جاتسا, ونى قۇراما ساپىنان كورۋىمىز ابدەن مۇمكىن», دەدى قايرات ءساتجانوۆ.