استانا مەديتسينالىق ۋنيۆەرسيتەتىنىڭ ينتەرنى دىنمۇحامەد بەكتۇرعان قىزىلوردا-استانا باعىتىنداعى ۇشاقتا جۇرەگى اۋىرىپ, قىسىلىپ قالعان جولاۋشىعا العاشقى كومەك كورسەتىپ امان الىپ قالدى, دەپ حابارلايدى Egemen.kz جوعارى وقۋ ورنىنىڭ ءباسپاسوز قىزمەتىنە سىلتەمە جاساپ.
قىزىلوردا-استانا باعىتىنداعى ۇشاقتا اياق استىنان ەر ادامنىڭ جۇرەگى قىسىلىپ, تىنىس الۋى توقتاپ قالادى. بورتسەرىكتەر بورتتان مەديتسينا قىزمەتكەرلەرىنىڭ بار-جوعىن سۇراعاندا, جولاۋشىلار اراسىنان جاس جىگىت شىعىپ, كومەككە ۇمتىلادى.
ول دەرەۋ اۋىرىپ جاتىرعان ادامنىڭ جۇرەگىنە جاساندى ماسساج جاسايدى. دىنمۇحامەد بەكتۇرعاننىڭ باتىل ارەكەتىنىڭ ناتيجەسىندە جولاۋشى ولىمنەن امان قالادى.
دىنمۇحامەد نۇربولات ۇلى قىزىلوردا قالاسىنىڭ تۋماسى, استانا مەديتسينالىق ۋنيۆەرسيتەتىنىڭ 7 كۋرس ستۋدەنتى.