قازاقستاننىڭ حالىق جازۋشىسى, اباي اتىنداعى مەملەكەتتىك سىيلىقتىڭ لاۋرەاتى, تۇركيانىڭ حالىقارالىق «تۇرىك دۇنيەسىنە قىزمەت» سىيلىعىنىڭ يەگەرى, اسا كورنەكتى جازۋشى, ادەبيەتتانۋشى, تاريحشى مۇحتار ماعاۋيننىڭ ومىردەن وزعانى تۋرالى قارالى حاباردى اۋىر قايعى-قاسىرەتپەن قابىلدادىق.
مۇحتار ماعاۋين – قازاق ادەبيەتىنىڭ ايبىندى تۇلعاسى, ۇلتتىق ادەبيەتىمىزدىڭ اسىل قازىنالارىن زەرتتەپ, ونىڭ باي مۇراسىن الەمدىك مادەنيەتكە تانىتقان جازۋشى. ونىڭ قالامىنان تۋعان «تازىنىڭ ءولىمى», ء«بىر اتانىڭ بالالارى», «كوكبالاق», «جۇيرىكتىڭ تاعدىرى», «شاقان-شەرى», «كوك مۇنار», «قوبىز اۋەندەرى», «الاساپىران» سەكىلدى شىعارمالارى قازاق ادەبيەتىنىڭ التىن قورىنا ەندى. شىعارمالارى تەك قازاق ادەبيەتىنىڭ دەڭگەيىن ارتتىرىپ قانا قويماي, بۇكىل تۇركى دۇنيەسى رۋحاني بولمىسىن جاڭا بيىكتەرگە كوتەردى.
مۇحتار ماعاۋين ۇلت ادەبيەتى تاريحىن تەرەڭ زەرتتەپ, قازاق حاندىعى تۇسىنداعى جىراۋلار مۇراسىن الەمدىك رۋحانيات دەڭگەيىنە كوتەردى. ماسەلەن, «قازاق تاريحىنىڭ الىپپەسى» — ۇلت تاريحىنا ارنالعان ماڭىزدى ەڭبەكتەرىنىڭ ءبىرى. بۇل كىتاپتا اۆتور تۋعان حالقىمىزدىڭ دەربەس ۇلتتىق مەملەكەتi – ارىداعى عۇن ۇلىسى, تۇرiك قاعاندىعى, بەرiدەگi التىن وردادان باستاۋ الاتىن قازاق ورداسىنىڭ تەرەڭ تاريحىن قامتيدى. سونداي-اق ونىڭ كوركەم اۋدارما سالاسىنداعى ەڭبەگى دە ەرەكشە باعالانادى. ۋيليام سومەرسەت موەمنىڭ شىعارمالارىن قازاق تىلىنە اۋدارىپ, الەم ادەبيەتىنىڭ ۇزدىك تۋىندىلارىن قازاق وقىرماندارىنا جەتكىزۋ جولىندا دا ەلەۋلى ەڭبەك ءسىڭىردى.
مۇحتار ماعاۋين ءوز حالقىنىڭ ادەبيەتىن الەمدىك ارەناعا تانىتىپ, ۇلت رۋحانياتىنىڭ ىرگەتاسىن نىعايتقان جازۋشى رەتىندە ەل ەسىندە, تاريحتا ماڭگى قالادى.
اۋىر قايعىعا ورتاقتاسىپ, وتباسىنا, تۋعان-تۋىستارىنا جانە ءيسى قازاق جۇرتىنا كوڭىل ايتامىن. مارقۇمنىڭ جانى ءجانناتتا بولسىن!
مەرەكە قۇلكەنوۆ,
جازۋشىلار وداعى باسقارماسىنىڭ توراعاسى