قازاقستاندا جانار-جاعارمايدىڭ قاجەتتى قورلارى تولىق كولەمدە قالىپتاسىپ وتىر. 2026 جىلدىڭ ءبىرىنشى توقسانىنىڭ قورىتىندىسى بويىنشا رەسپۋبليكادا مۇناي ونىمدەرىن ءوندىرۋ كولەمى 3,7 ميلليون تونناعا جەتكەن, دەپ حابارلايدى Egemen.kz.
ەنەرگەتيكا مينيسترلىگىنىڭ مالىمەتىنشە, جىل سوڭىنا دەيىن بولجامدى كورسەتكىش 15,4 ميلليون توننا دەڭگەيىندە بەلگىلەنگەن. اتالعان ءوندىرىس قۇرىلىمىندا الەۋمەتتىك ماڭىزى بار وتىن تۇرلەرى نەگىزگى ورىن الىپ, بەنزين 1,6 ميلليون توننانى, ال ديزەل وتىنى شامامەن 1,5 ميلليون توننانى قۇراعان.
ترامپتىڭ مالىمدەمەسىنەن كەيىن مۇناي باعاسى كۇرت قىمباتتادى
نارىقتىڭ اعىمداعى قاجەتتىلىكتەرىن قامتاماسىز ەتۋمەن قاتار, سالاعا جاۋاپتى مينيسترلىك ەلدىڭ مۇناي وڭدەۋ الەۋەتىن تۇبەگەيلى ارتتىرۋ بويىنشا اۋقىمدى باعدارلامانى ىسكە اسىرۋعا كىرىسكەن. وسى باعىتتا جۇمىس ىستەپ تۇرعان كاسىپورىنداردىڭ قۋاتىن كەڭەيتۋ بويىنشا بەلسەندى جۇمىستار جۇرگىزىلىپ جاتىر. اتاپ ايتقاندا, پاۆلودار مۇناي-حيميا زاۋىتىنىڭ قۋاتتىلىعىن 5,5-تەن 9 ميلليون تونناعا دەيىن, شىمكەنت زاۋىتىنىڭ قۋاتىن 6-دان 12 ميلليون تونناعا دەيىن, ال اتىراۋ مۇناي وڭدەۋ زاۋىتىنىڭ قۋاتىن 5,5-تەن 6,7 ميلليون تونناعا دەيىن ۇلعايتۋ جوسپارلانىپ وتىر.
پارسى شىعاناعىنداعى سوعىستان مۇناي ەكسپورتى 44 پايىزعا قۇلدىراعان
سونداي-اق بۇگىندە ەلىمىزدە قۋاتتىلىعى جىلىنا 10 ميلليون توننا بولاتىن جاڭا مۇناي وڭدەۋ زاۋىتىن سالۋ جوباسىن جەدەلدەتىپ ىسكە اسىرۋ شارالارى قابىلدانىپ جاتىر.
نۇربولات امانبەك