2026 جىلدىڭ I توقسانىندا ينتەرنەت-الاياقتىققا قاتىستى قىلمىستاردى تىركەۋ جىلدىق ەسەپتە 15 پايىزعا ازايعان. بۇل تۋرالى باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى مالىمدەدى, دەپ حابارلايدى Egemen.kz.
قۇزىرلى ورگاننىڭ مالىمەتىنشە, سوڭعى ءتورت جىلدىققا اتالعان كورسەتكىشتە العاش رەت تومەندەۋ بايقالىپ, جىل باسىنان بەرى قىلمىستىق جاعدايلار 5,3 مىڭدى قۇراعان. وتكەن جىلدىڭ I توقسانىندا ءوسىم 23 پايىز بولسا, ال جىل قورىتىندىسى بويىنشا 26 پايىز ءوسىم تىركەلگەن بولاتىن.
پوليتسيا ينۆەستيتسيالىق الاياقتىقتىڭ قاۋىپتى سحەمالارى تۋرالى ەسكەرتتى
مامانداردىڭ پىكىرىنشە, قازىرگى تومەندەۋگە نەگىزىنەن ونلاين-قارىز راسىمدەۋ ارقىلى جاسالاتىن ينتەرنەت-الاياقتىقتىڭ ازايۋى اسەر ەتىپ وتىر. سەبەبى مۇنداي جاعدايلار ءبىر جىلدا ءۇش ەسە قىسقارعان. سونداي-اق ينتەرنەتتە قىزمەت كورسەتۋ تۋرالى جالعان حابارلاندىرۋلار ارقىلى جاسالاتىن الاياقتىق 20 پايىزعا ازايىپ, 1,1 مىڭعا تۇراقتاعان. ال جالعان بانك اتىنان SMS جىبەرۋ ارقىلى جاسالاتىن الاياقتىق دەڭگەيى وزگەرمەي, 1 مىڭ جاعداي دەڭگەيىندە قالىپ وتىر. ايتا كەتۋ كەرەك, ءدال وسى الاياقتىق ءتۇرى وتكەن جىلى جالپى كورسەتكىشتىڭ وسۋىنە ەڭ كوپ اسەر ەتكەن.
تاۋلىگىنە 690 دوللار تابىس: ەلەكتروساموكات ارقىلى جاسالعان الاياقتىق اشكەرە بولدى
باس پروكۋراتۋرا دەرەگىنشە, تىركەلگەن 5,3 مىڭ ينتەرنەت-الاياقتىقتىڭ 721-ءى بويىنشا ءىس اياقتالعان, ونىڭ ىشىندە 634-ءى سوتقا جولدانعان.
نۇربولات امانبەك