پرەزيدەنت قاسىم-جومارت توقاەۆتىڭ «Ana tili» گازەتىنە بەرگەن سۇحباتىندا ەلدىكتىڭ سارا جولىنا, مەملەكەتتىڭ ىشكى جانە سىرتقى ساياساتىنا قاتىستى باستامالار جان-جاقتى قامتىلدى. اسىرەسە قوعامدا زاڭ مەن ءتارتىپ قاعيداسىن ىسكە اسىرۋدىڭ ءمان-ماڭىزى ساراپتالدى.
ء«بىز قۇقىق نورمالارىنا قۇرمەتپەن قاراماساق, ادىلەتتى قازاقستاندى قۇرىپ, ونى وركەندەگەن مەملەكەت ەتە المايمىز. سوندىقتان ءبىزدىڭ مىندەتىمىز – بۇل قاعيداتتى ەلىمىزدىڭ قۇندىلىقتار جۇيەسىنە بارىنشا كىرىكتىرىپ, حالىق بولمىسىنىڭ, قوعام ءومىرىنىڭ اجىراماس بولىگىنە اينالدىرۋ قاجەت», دەپ وتانداستاردى زاڭ مەن ءتارتىپتى باستى قۇندىلىق ەتۋگە شاقىردى.
مىنە, سۇحباتتىڭ ءتۇيىندى تۇسى وسى دەپ بىلەمىن. ءبىز وزىق ەلگە اينالامىز دەسەك, پرەزيدەنت ايتقانداي, زاڭعا باعىنعان, ءتارتىپتى بيىك ۇستاناتىن ۇلتقا اينالۋىمىز ءتيىس. ورتاق تارتىپكە باعىنعان نەمىستەر مەن جاپونداردىڭ تاجىريبەسى وسىعان مىسال بولا الادى. جالپى, ەلىمىزدە الەۋمەتتىك ينفراقۇرىلىمدىق دامىتۋ, ەكونوميكانى ءارتاراپتاندىرۋ, ينۆەستيتسيا تارتۋ جانە بيزنەستى دامىتۋ, تسيفرلاندىرۋ باعىتىندا جۇيەلى جۇمىستار اتقارىلىپ جاتىر.
قازاقستاننىڭ الەۋمەت-ەكونوميكالىق, رۋحاني-اعارتۋشىلىق باعىتىندا ىسكە اسىرىلىپ جاتقان جارقىن باستامالاردى قىزىلوردا وبلىسىنان ايقىن كورۋگە بولادى. ماسەلەن, ەلىمىزدىڭ سولتۇستىگى مەن وڭتۇستىگىن بايلانىستىراتىن كۇرە جول – قىزىلوردا-جەزقازعان جولىنىڭ قۇرىلىسى قارقىندى جۇرگىزىلىپ, بيۋدجەتتەن تىس قارجى كوزدەرىنىڭ ەسەبىنەن قىزىلورداداعى قورقىت اتا اۋەجايىندا جاڭا زاماناۋي عيمارات پايدالانۋعا بەرىلدى. قىزىلوردا-اقتوبە باعىتىنداعى حالىقارالىق ەكى جولاقتى جولدى ءتورت جولاقتى ەتۋدى قۇجاتتاندىرۋ جۇمىسى جۇرگىزىلىپ, جول قۇرىلىسى باستالادى. بۇل وڭىرلەردىڭ كولىكتىك قولجەتىمدىلىگىن ايتارلىقتاي ارتتىرادى, جولاۋشىلارعا قىزمەت كورسەتۋدى ساپالى جاڭا دەڭگەيگە شىعارادى جانە قالالاردىڭ جەدەلدەتىلگەن ەكونوميكالىق دامۋىنا ىقپال ەتەدى.
ەكونوميكانى ءارتاراپتاندىرۋدا شاعىن جانە ورتا بيزنەس شەشۋشى ءرول اتقارادى. وزىق ەلدەردىڭ ەكونوميكاسىن باسەكەگە قابىلەتتى ەتۋدە بيزنەستىڭ ءرولى زور. سىر ءوڭىرى بيزنەستىڭ الەۋمەتتىك جاۋاپكەرشىلىگىن ارتتىرۋ اياسىندا قارجى تارتۋدان دا كوش باسىندا كەلەدى. الەۋمەتتىك ينفراقۇرىلىمداردى جەتىلدىرۋدەن دە سىر وڭىرىندە ىلكىمدى ىستەر جەتەرلىك. بىلتىر بارلىق اۋداندا «رۋحانيات ورتالىقتارى» بوي كوتەردى, بيىل ورتالىق «قىزىلوردا-ارەنا» ستاديونى سالىنادى. جەكە ينۆەستور قارجىسى ەسەبىنەن جىلۋ ەلەكتر ورتالىعى سالىنىپ جاتىر. ياعني قىزىلوردا وبلىسى – ينۆەستيتسيا تارتۋدان كوش ىلگەرى. 2024 جىلى نەگىزگى كاپيتالعا 559 ملرد تەڭگە ينۆەستيتسيا تارتىلىپ, ءوسىم 20,6 پايىزدى قۇرادى. ايتا كەتەتىنى, سىر ءوڭىرى شەتەل ينۆەستيتسيالارىن, وزىق تەحنولوگيالاردى تارتۋ جۇمىستارىن بەلسەندى جۇرگىزىپ كەلەدى.
2025 جىلى وبلىس اۋماعىنداعى بارلىق ەلدى مەكەن ورتالىقتاندىرىلعان اۋىزسۋمەن 100 پايىز قامتاماسىز ەتىلەدى. ارينە, مۇنداي يگى باستامالار ەلىمىزدىڭ بارلىق ايماعىندا ءساتتى ىسكە اسىپ جاتىر. جالپى, پرەزيدەنتتىڭ سۇحباتىندا ەلدىڭ الەۋمەتتىك, ەكونوميكالىق, ەكولوگيالىق, رۋحاني-مادەني ىلگەرىلەۋى قامتىلدى.
رۋسلان رۇستەموۆ,
سەنات دەپۋتاتى