پرەزيدەنتتىڭ جاساندى ينتەللەكت پەن تسيفرلاندىرۋ تۋرالى ايتقان ويلارى – ەلىمىزدىڭ تەحنولوگيالىق بولاشاعىن ايقىندايتىن ستراتەگيالىق تۇجىرىم. جاھاندىق دەڭگەيدە ءىت سالاسىنىڭ قارقىندى دامۋىن ەسكەرە وتىرىپ, ەلىمىز وسى باعىتتا بەلسەندى ارەكەت ەتىپ, ناقتى ناتيجەلەرگە قول جەتكىزە الادى.
وسى ورايدا بىرەگەي ەكوجۇيە رەتىندە جۇمىس ىستەيتىن, ەلىمىزدەگى ستارتاپتاردى قولدايتىن Astana Hub يننوۆاتسيالار ورتالىعىن ەرەكشە اتاپ وتكىم كەلەدى. IT سالاسىنىڭ دامۋىنا جانە جاڭا ستارتاپتاردىڭ پايدا بولۋىنا تىكەلەي Astana Hub پەن سالاعا جاۋاپتى مينيسترلىكتىڭ ۇلەسى زور. دەگەنمەن ءبىز بۇل جەتىستىكتەردى تەك باستاماسى دەپ قاراستىرۋىمىز كەرەك. الەمدىك نارىقتا تابىسقا جەتۋ ءۇشىن ءبىزدىڭ ونىمدەرىمىز تەك ساپالى عانا ەمەس, سونىمەن قاتار ەرەكشە, سۇرانىسقا ساي شەشىمدەر بولۋعا ءتيىس. قازىرگى ۋاقىتتا ءبىزدىڭ جوبا 13 ەلدە قىزمەت كورسەتىپ, مىڭداعان بالاعا زاماناۋي ءبىلىم مەتوديكاسىن ۇسىنىپ كەلەدى.
ءبىز CodiPlay جوباسى ارقىلى ەلىمىزدەگى جاس ۇرپاقتى تەحنولوگيالاردى مەڭگەرۋگە باۋلىپ كەلەمىز. بۇل جوبا وقۋشىلارعا جاساندى ينتەللەكت پەن باعدارلامالاۋدى قاراپايىم ءارى قىزىقتى ادىستەرمەن ۇيرەتەدى. پرەزيدەنتتىڭ ءبىلىم بەرۋ جۇيەسىنە AI تەحنولوگيالارىن ەنگىزۋ تۋرالى ايتقانى وتە وزەكتى. جاستارعا بۇل داعدىلاردى ەرتە جاستان ۇيرەتسەك, ولار تەك تۇتىنۋشى عانا ەمەس, تەحنولوگيالاردى جاساۋشى, يننوۆاتور بولادى. بۇل – ءبىزدىڭ ەلدىڭ ينتەللەكتۋالدى كاپيتالىنا سالىنعان ۇزاق مەرزىمدى ينۆەستيتسيا. تسيفرلىق ساۋاتى بار جانە تسيفرلىق داعدىلارعا بەيىم بالالاردى دايىنداۋ ارقىلى ەلىمىز IT سالاسىندا كوش باستاي الادى.
پرەزيدەنتتىڭ جاساندى ينتەللەكت ەتيكاسى مەن ونىڭ قاۋىپتەرىن دۇرىس رەتتەۋ قاجەتتىگى تۋرالى ايتقانىمەن كەلىسەمىن. بۇل سالانى دامىتۋدا ءبىز تەك يننوۆاتسيالارعا ەمەس, ولاردىڭ دۇرىس قولدانىلۋىن قامتاماسىز ەتۋگە دە ءمان بەرۋىمىز كەرەك. ول ءۇشىن زاڭ مەن قاداعالاۋ قۇرالدارىن قاراستىرىپ, تاجىريبەلى مامانداردىڭ كومەگىنە جۇگىنۋ ارقىلى قاۋىپ-قاتەردىڭ الدىن الۋ قاجەت.
ەلىمىز جاساندى ينتەللەكتىنى دامىتۋ مەن تسيفرلاندىرۋ ارقىلى الەمدەگى IT حابتاردىڭ ءبىرى بولا الادى. بىراق بۇل ماقساتقا جەتۋ ءۇشىن مەملەكەت, بيزنەس جانە ءبىلىم بەرۋ سالاسى بىرلەسە جۇمىس ىستەۋى قاجەت. پرەزيدەنت ايتقانداي, جاساندى ينتەللەكت – تەك تەحنولوگيا عانا ەمەس, قوعامدى تۇبەگەيلى وزگەرتە الاتىن قۇرال. ءبىز وسى مۇمكىندىكتەردى ءتيىمدى پايدالانىپ, ەلىمىزدى جاڭا تەحنولوگيالاردىڭ كوشباسشىسىنا اينالدىرا الامىز.
CodiPlay بۇل ۇدەرىستىڭ ءبىر بولىگى بولۋعا دايىن. ءبىز جاڭا ۇرپاققا بولاشاقتىڭ كىلتىن ۇستاتىپ, ولاردى وزگەرىستەردىڭ قوزعاۋشى كۇشى رەتىندە دايىنداۋعا اتسالىسامىز.
ءجانادىل تالدىباەۆ,
CodiPlay جوباسىنىڭ نەگىزىن قالاۋشى, IT كاسىپكەر