جامبىل وبلىسى قورداي اۋدانىنا قاراستى قاراكەمەر اۋىلىندا سارايدان ەكى وقۋشىنىڭ ءمايىتى تابىلدى. اقپاراتتى جامبىل وبلىستىق پوليتسيا دەپارتامەنتى راستادى, دەپ حابارلايدى Egemen.kz.
پوليتسيانىڭ مالىمەتىنشە, اتالعان جاعداي سۋيتسيد رەتىندە قاراستىرىلىپ وتىر. قازىر وقيعا بويىنشا قىلمىستىق ءىس قوزعالعان.
«قازىرگى ۋاقىتتا وقيعانىڭ بارلىق ءمان-جايىن جان-جاقتى, تولىق جانە وبەكتيۆتى انىقتاۋعا باعىتتالعان قاجەتتى تەرگەۋ امالدارى جۇرگىزىلىپ جاتىر», دەلىنگەن حابارلامادا.
الماتى وبلىسىندا وقۋشى ولىمىنە قاتىستى تەرگەۋ جۇمىستارى باستالدى
وبلىس اكىمىنىڭ تاپسىرماسىمەن وقيعا ورنىنا شۇعىل تۇردە اكىمنىڭ ورىنباسارى, ءتيىستى باسقارما باسشىسى جانە ونىڭ ورىنباسارى بارعان. سونداي-اق ءوڭىر اكىمدىگى تاراپىنان وقۋشىلار مەن ولاردىڭ اتا-انالارىنا پسيحولوگيالىق كومەك كورسەتۋ جۇمىستارى ۇيىمداستىرىلعانى حابارلاندى.