اتىراۋ وبلىسىندا قوعامدىق قاۋىپسىزدىكتى قامتاماسىز ەتۋ ءۇشىن جاساندى ينتەللەكت نەگىزىندەگى بەينەاناليتيكا جۇيەسى ەنگىزىلىپ, 400 كامەرا جي ارقىلى جۇمىس ىستەپ تۇر. بۇگىندە اتالعان قىزمەت ارقىلى 4500-دەن استام قۇقىقبۇزۋشىلىق انىقتالعان, دەپ حابارلايدى Egemen.kz.
جۇيە ازاماتتاردىڭ ءجۇزىن تانىپ, اگرەسسيۆتى مىنەز-ق ۇلىقتى, ادامداردىڭ شامادان تىس جينالۋىن جانە وزگە دە كۇماندى جاعدايلاردى اۆتوماتتى تۇردە تىركەيدى. مۇنداي جايت انىقتالعان ساتتە جەدەل قىزمەتتەرگە بىردەن دابىل سيگنالى جىبەرىلەدى. سونداي-اق, جۇيەگە ىزدەۋدەگى, ەسەپتەگى تۇلعالاردىڭ فوتوسۋرەتتەرى ەنگىزىلگەن. ولار كامەرا وبەكتيۆىنە ىلىنگەن بويدا بەت پىشىندەرى ارقىلى سايكەستەندىرىلىپ, لەزدە جەدەل باسقارۋ ورتالىعىنا حابارلاما تۇسەدى.
قازاقشا سويلەيتىن جي: ISSAI زەرتحاناسىنداعى ءبىر كۇن
اتىراۋ وبلىسى پوليتسيا دەپارتامەنتى جەدەل باسقارۋ ورتالىعى باستىعىنىڭ ورىنباسارى ءارى جەدەل دەن قويۋ ءبولىمىنىڭ باستىعى جانات راحمەتوۆانىڭ ايتۋىنشا, بەينەاناليتيكا جۇيەسى ءوز تيىمدىلىگىن دالەلدەپ ۇلگەرگەن.
«جىل باسىنان بەرى بەينەاناليتيكا جۇيەسىنىڭ كومەگىمەن 72 ادام انىقتالىپ, ونىڭ ىشىندە 28 قۇقىق بۇزۋشى پوليتسياعا جەتكىزىلدى. انىقتالعانداردىڭ باسىم بولىگى – اۋەجاي, تەمىرجول جانە اۆتوۆوكزال اۋماقتارىندا جاساندى ينتەللەكت ارقىلى بەت بەينەسى سايكەستەندىرىلىپ تانىلعان ازاماتتار», دەدى ول.
جي كومەگىمەن جاسالعان مۋلتفيلم كينوتەاتردان كورسەتىلدى
ىشكى ىستەر مينيسترلىگىنىڭ مالىمەتىنشە, مۇنداي ينتەللەكتۋالدى جۇيەلەردى وبلىستىڭ وزگە اۋداندارىنا ورناتۋ جوسپارلانىپ وتىر.
نۇربولات امانبەك