قازاقستاندا كەپىلسىز تۇتىنۋشىلىق نەسيەلەرگە قويىلاتىن تالاپتار كۇشەيگەننەن كەيىن لومباردتارعا جۇگىنۋ جيىلەگەن. بۇل تۋرالى ماجىلىستە وتكەن بريفينگتە قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى مادينا ابىلقاسىموۆا مالىمدەدى, دەپ حابارلايدى Egemen.kz.
ونىڭ ايتۋىنشا, لومباردتارداعى قارىز جۇكتەمەسى بانكتەر مەن ميكروقارجى ۇيىمدارىنداعى نەسيەلەردەن وزگەشە جۇمىس ىستەيدى. مۇندا ازامات ءوز مۇلكىن كەپىلگە قويىپ, سونىڭ نەگىزىندە قارىز الادى.
اقتوبەدە زەرگەر تۇتىنۋشىلاردىڭ بۇيىمدارىن لومباردقا وتكىزىپ جىبەرگەن
«بۇل جاعدايدا ادام كەپىل مۇلكىن ۇسىنادى, ياعني ونىڭ لومبارد الدىنداعى مىندەتتەمەسى سول كەپىلمەن شەكتەلەدى. ەگەر قارىز ۋاقىتىندا وتەلمەسە نەمەسە تولەم جاسالماسا, مىندەتتەمە توقتاتىلادى. سوندىقتان قارىز جۇكتەمەسىنىڭ ۇلعايۋ قاۋپى بولمايدى», دەدى اگەنتتىك ءتورايىمى.
وسى ەرەكشەلىككە بايلانىستى لومبارد قىزمەتىن رەتتەۋ بانكتەر مەن ميكروقارجى ۇيىمدارىنا قاراعاندا جەڭىلدەۋ. سول سەبەپتى اگەنتتىك بۇل سالاعا قاتىستى تالاپتاردى قاتاڭداتۋدى جوسپارلاپ وتىرعان جوق. دەگەنمەن قولدانىستاعى نورمالار مەن شەكتەۋلەردىڭ ساقتالۋىنا تەكسەرىس جۇرگىزىلەدى.
ماسەلەن, قولدانىستاعى تالاپتارعا سايكەس, لومباردتار قارىز مەرزىمىن 90 كۇننەن ارتىق ۇزارتۋعا قۇقىلى ەمەس.
19 ملرد تەڭگەدەن استام زاڭسىز تابىس: «اكتيۆ لومبارد» يەسىنىڭ بىلىعى اشكەرە بولدى
سونداي-اق تۇتىنۋشىلاردىڭ قۇقىقتارىن قورعاۋ تالاپتارى بارلىق لومباردتارعا بىردەي قولدانىلادى. قارىز الۋشىلار قاجەت بولعان جاعدايدا ءوز بەرەشەگىن رەتتەۋ ءۇشىن ءتيىستى ورگاندارعا جۇگىنۋگە قۇقىلى.
ايتا كەتەيىك, 19 ناۋرىزدان باستاپ لومباردتار الدىنداعى قارىزدار سوتتان تىس بانكروتتىق راسىمىندە ەسەپكە الىنبايدى.