جامبىل وبلىسىندا 15 جاستاعى مەكتەپ وقۋشىسى سارايدا اسىلىپ قالعان كۇيىندە تابىلدى, دەپ حابارلايدى Egemen.kz وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
پوليتسيا وقيعاعا بايلانىستى ء«وز-وزىنە قول جۇمساۋعا يتەرمەلەۋ» بابى بويىنشا سوتقا دەيىنگى تەرگەۋ باستالعانىن مالىمدەدى.
«وقيعا ورنىندا پوليتسيانىڭ جەدەل-تەرگەۋ توبى, پروكۋراتۋرا قىزمەتكەرلەرى, ءبىلىم بەرۋ باسقارماسىنىڭ وكىلدەرى, پسيحولوگتار جانە بالالار قۇقىقتارى جونىندەگى ۋاكىل جۇمىس ىستەپ جاتىر. تەرگەۋدىڭ تولىق, وبەكتيۆتى جانە جان-جاقتى جۇرگىزىلۋىن قامتاماسىز ەتۋ ماقساتىندا بارلىق قاجەتتى تەرگەۋ ءىس-شارالارى جۇرگىزىلىپ جاتىر», دەپ حابارلادى پوليتسيا.
قازىرگى تاڭدا تەرگەۋ مۇددەسىنە ساي قوسىمشا اقپارات جاريالانبايدى.