2015 جىلعى 30 ناۋرىز, استانا قالاسى
ەڭبەككە ۋاقىتشا جارامسىزدىعى بويىنشا الەۋمەتتىك جاردەماقىنى تاعايىنداۋ جانە تولەۋ قاعيدالارىن بەكىتۋ تۋرالى
2007 جىلعى 15 مامىرداعى قازاقستان رەسپۋبليكاسى ەڭبەك كودەكسىنىڭ 16-بابىنىڭ 36) تارماقشاسىنا جانە 159-بابىنىڭ 4-تارماعىنا سايكەس بۇيىرامىن:
1. قوسا بەرiلiپ وتىرعان ەڭبەككە ۋاقىتشا جارامسىزدىعى بويىنشا الەۋمەتتىك جاردەماقىنى تاعايىنداۋ جانە تولەۋ قاعيدالارى بەكiتiلسiن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك جانە الەۋمەتتىك ارىپتەستىك دەپارتامەنتى زاڭنامادا بەلگiلەنگەن تارتiپپەن:
1) وسى بۇيرىقتى قازاقستان رەسپۋبليكاسى ادiلەت مينيسترلiگiندە مەملەكەتتiك تiركەۋدi;
2) وسى بۇيرىقتى قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلگەننەن كەيىن كۇنتiزبەلiك ون كۇن iشiندە مەرزiمدi باسپا باسىلىمدارىندا جانە «ادiلەت» اقپاراتتىق-قۇقىقتىق جۇيەسiندە رەسمي جاريالاۋعا جiبەرۋدi;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسiن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ جاۋاپتى حاتشىسى ا.د. قۇرمانعاليەۆاعا جۇكتەلسىن.
4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ت.دۇيسەنوۆا.
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 30 ناۋرىزداعى № 176 بۇيرىعىمەن بەكىتىلگەن
ەڭبەككە ۋاقىتشا جارامسىزدىعى بويىنشا الەۋمەتتىك جاردەماقىنى
تاعايىنداۋ جانە تولەۋ قاعيدالارى
1. وسى ەڭبەككە ۋاقىتشا جارامسىزدىعى بويىنشا الەۋمەتتىك جاردەماقىنى تاعايىنداۋ جانە تولەۋ قاعيدالارى (بۇدان ءارى – قاعيدالار) قازاقستان رەسپۋبليكاسى ەڭبەك كودەكسىنىڭ (بۇدان ءارى – كودەكس) 159-بابىنا سايكەس ازىرلەندى جانە جۇمىس بەرۋشىنىڭ قاراجاتى ەسەبىنەن ەڭبەككە ۋاقىتشا جارامسىزدىعى بويىنشا الەۋمەتتىك جاردەماقى (بۇدان ءارى – جاردەماقى) تاعايىنداۋدىڭ جانە تولەۋدىڭ ءتارتىبىن ايقىندايدى.
2. «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 59-بابىنىڭ 2-تارماعىنا سايكەس ەڭبەككە ۋاقىتشا جارامسىزدىققا ساراپتاما جۇرگىزۋ, ەڭبەككە ۋاقىتشا جارامسىزدىق پاراعىن جانە انىقتاماسىن بەرۋ قاعيدالارىنا سايكەس بەرىلەتىن ەڭبەككە ۋاقىتشا جارامسىزدىق پاراعى, ال ول جوعالعان كەزدە – تەلنۇسقاسى جاردەماقىنى تاعايىنداۋ جانە تولەۋ ءۇشىن نەگىزدەمە بولىپ تابىلادى.
3. قىزمەتكەردىڭ ەڭبەككە ۋاقىتشا جارامسىزدىعى ەڭبەك جاراقاتى نەمەسە كاسىپتىك اۋرۋى سالدارىنان تۋىنداعان كەزدە جاردەماقى «وندىرىستەگى جازاتايىم وقيعالارعا بايلانىستى قۇجاتتاردىڭ نىساندارىن بەكىتۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2009 جىلعى 3 ناۋرىزداعى № 74-ءو بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5614 بولىپ تىركەلگەن) بەكىتىلگەن نىسان بويىنشا وندىرىستەگى جازاتايىم وقيعا تۋرالى اكتى بولعان كەزدە تاعايىندالادى.
4. جاردەماقى ەڭبەككە ۋاقىتشا جارامسىزدىق پاراعىندا بەلگىلەنگەن مەرزىمگە جۇمىس ىستەيتىن ورنى بويىنشا تولەنەدى.
ەگەر ادام بىرنەشە جۇمىس بەرۋشىدە جۇمىس ىستەيتىن بولسا, جاردەماقى ءاربىر جۇمىس ورنى بويىنشا تاعايىندالادى جانە تولەنەدى.
5. كودەكستىڭ 177-بابىنا سايكەس ەڭبەك شارتى بۇعان زاڭدى نەگىزسىز توقتاتىلعاننان كەيىن قىزمەتكەردى جۇمىسقا قايتا العان جاعدايدا, جاردەماقى الۋعا قۇقىعى پايدا بولعان ءبىرىنشى كۇنىنەن باستاپ جاردەماقى تولەنەدى.
6. كودەكستىڭ 50-بابىنىڭ 3-تارماعىنا سايكەس قىزمەتكەر جۇمىستان شەتتەتىلگەن كەزەڭدە ەڭبەككە ۋاقىتشا جارامسىزدىق تۋىنداعان كەزدە جاردەماقى تولەنبەيدى. ەگەر ەڭبەككە ۋاقىتشا جارامسىزدىق جۇمىسقا جىبەرىلگەننەن كەيىن دە جالعاساتىن بولسا, جاردەماقى قىزمەتكەر جۇمىسقا جىبەرىلگەن كۇنىنەن باستاپ تولەنەدى.
7. جاردەماقى:
1) زاڭدى كۇشىنە ەنگەن سوت ۇكىمىمەن كىنالى ەكەندىگى انىقتالعان جاعدايدا, ءوزىنىڭ قىلمىستىق قۇقىق بۇزۋشىلىق جاساۋ كەزىندە العان جاراقاتتارىنىڭ سالدارىنان ەڭبەككە ۋاقىتشا جارامسىزدىق تۋىنداعان قىزمەتكەرگە;
2) سوتتىڭ ۇيعارىمى بويىنشا قىزمەتكەردى ماجبۇرلەپ ەمدەگەن (پسيحيكالىق اۋرۋلاردان باسقا) ۋاقىت ءۇشىن;
3) زاڭدى كۇشىنە ەنگەن سوت ۇكىمىمەن نەمەسە قاۋلىسىمەن قىزمەتكەردىڭ كىنالى ەكەنى انىقتالعان جاعدايدا, ول قاماۋدا بولعان ۋاقىت ءۇشىن جانە سوت-مەديتسينالىق ساراپتاما جاسالعان ۋاقىت ءۇشىن;
4) قىزمەتكەردىڭ ىشىمدىك, ەسىرتكى جانە ۋىتتى زاتتاردى پايدالانۋى سالدارىنان تۋىنداعان اۋرۋلارعا نەمەسە جاراقاتتارعا بايلانىستى ەڭبەككە ۋاقىتشا جارامسىزدىعى كەزىندە;
5) جىل سايىنعى اقىلى ەڭبەك دەمالىسىمەن سايكەس كەلەتىن ۋاقىتشا ەڭبەككە جارامسىز كۇندەر ءۇشىن تولەنبەيدى.
ەگەر ەڭبەككە جارامسىزدىق دەمالىس اياقتالعاننان كەيىن دە جالعاساتىن بولسا, وندا جاردەماقى قىزمەتكەر جۇمىسقا كىرىسكەن كۇنىنەن باستاپ بەرىلەدى.
نەگىزگى جۇمىس ورنىنداعى جالاقىسى تولىق نەمەسە ءىشىنارا ساقتالا وتىرىپ, باسقا ۇيىمعا جۇمىس ىستەۋگە جىبەرىلگەن, ماۋسىمدىق جۇمىس ىستەيتىن قىزمەتكەرلەرگە, ءۇي قىزمەتكەرلەرىنە جانە ۇيدە جۇمىس ىستەيتىن قىزمەتكەرلەرگە, كادرلاردى دايارلاۋ, قايتا دايارلاۋ جانە ولاردىڭ بىلىكتىلىگىن ارتتىرۋ كۋرستارىنىڭ تىڭداۋشىلارىنا, ەگەر ولاردى كۋرسقا جۇمىس بەرۋشى جىبەرگەن جانە وقۋ كەزەڭىندە ولاردىڭ جالاقىسى ساقتالعان بولسا, وسى كەزەڭدە بولاتىن جاردەماقى ولاردىڭ جۇمىس ورنى بويىنشا تولەنەدى.
قىزمەتكەردى پروتەزدىك-ورتوپەديالىق ۇيىمنىڭ ستاتسيونارىنا جاتقىزعان كەزدە جاردەماقى ستاتسيوناردا بولعان بارلىق ۋاقىتىنا جانە ستاتسيونارعا بارۋعا جانە كەرى قايتۋعا كەتكەن ۋاقىتىنا دا تولەنەدى.
قىزمەتكەر ەڭبەككە ۋاقىتشا جارامسىزدىق پاراعىن جۇمىس بەرۋشىگە ەڭبەككە ۋاقىتشا جارامسىزدىق پاراعىندا بەلگىلەنگەن جۇمىسقا شىعاتىن كۇنى نە ول اياقتالعانعا دەيىن ۇسىنادى.
جاردەماقى تولەۋ ءۇشىن ۇسىنىلعان ەڭبەككە ۋاقىتشا جارامسىزدىق پاراقتارى جۇمىس بەرۋشىنىڭ بۋحگالتەرياسىندا ساقتالادى.
جاردەماقى قازاقستان رەسپۋبليكاسىنىڭ ەڭبەك زاڭناماسىندا جالاقى تولەۋ ءۇشىن بەلگىلەنگەن مەرزىمدەردە تولەنەدى.
قىزمەتكەردىڭ ءوتىنىشى بويىنشا جاردەماقى ونىڭ بانكتىك شوتىنا اۋدارىلادى نە جاردەماقىنى الۋعا ءتيىستى سەنىمحاتتى ۇسىنعان سەنىمدى ادامعا نەمەسە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن زاڭدى وكىلىنە بەرىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 27 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10810 بولىپ ەنگىزىلدى.