مەملەكەت باسشىسى قاسىم-جومارت توقاەۆ لەنينگراد وبلىسىندا وتكەن جوعارى ەۋرازيالىق ەكونوميكالىق كەڭەستىڭ (جەەك) كەزەكتى وتىرىسىنا قاتىستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
سامميتكە رەسەي فەدەراتسياسىنىڭ پرەزيدەنتى ۆلاديمير پۋتين, ارمەنيا پرەمەر-ءمينيسترى نيكول پاشينيان (بەينەبايلانىس ارقىلى), بەلارۋس پرەزيدەنتى الەكساندر لۋكاشەنكو, قىرعىزستان پرەزيدەنتى سادىر جاپاروۆ, سونداي-اق ەۋرازيالىق ەكونوميكالىق كوميسسيا القاسىنىڭ توراعاسى باقىتجان ساعىنتاەۆ قاتىستى.
جيىندا ەۋرازيالىق ەكونوميكالىق وداق اياسىنداعى ىنتىماقتاستىقتىڭ باسىم باعىتتارى مەن نەگىزگى مىندەتتەرى تالقىلاندى. سونىمەن قاتار سامميت قاتىسۋشىلارى ۇيىم قىزمەتىنىڭ وزەكتى ماسەلەلەرى جانە جەكەلەگەن اسپەكتىلەرى جونىندە پىكىر الماستى.