قاراشا ايىندا قاراعاندى وبلىسىنىڭ بۇقار جىراۋ اۋدانىنا قاراستى بوتاقارا اۋىلىندا 620 بالا وقيتىن يۋ.گاگارين اتىنداعى مەكتەپ زاماناۋي فيزيكا زەرتحاناسىمەن جابدىقتالدى, دەپ جازادى Egemen.kz.
زەرتحاناعا قاجەتتى جابدىقتار (باقىلاۋ-ولشەۋ قۇرالدارى, زەرتحانالىق شىنى ىدىستار, ت.ب.) وبلىستىق بيۋدجەت ەسەبىنەن ساتىپ الىندى.
فيزيكا ءپانىن وقۋعا زاماناۋي جاعداي جاساۋ ماقساتىندا ىسكە اسىرىلعان جوبا اتالعان پاننەن وقۋشىلاردىڭ بىلىمدەرىن تەرەڭدەتۋگە مۇمكىندىك بەرەدى.
ايتا كەتسەك, بىلتىرعى وقۋ جىلىندا مەكتەپتە زاماناۋي STEM-زەرتحانا پايدا بولىپ, بيولوگيا كابينەتى جابدىقتالعان ەكەن.
سونداي-اق, بيىل بارلىق پارتالار مەن ورىندىقتار تولىعىمەن جاڭارتىلىپ, باستاۋىش سىنىپتارعا جەكە شكافتار ساتىپ الىندى. وقۋ جىلى باستالماس بۇرىن مەكتەپتە كۇردەلى جوندەۋ جۇرگىزىلدى.
ء«بىز بالالارىمىزدىڭ ءبىلىم ساپاسى جاعىنان قالا وقۋشىلارىنان كەم تۇسپەۋىن قالايمىز. جوندەۋگە, جاڭا جيھازعا, جابدىققا سالىنعان ينۆەستيتسيالار وقۋ پروتسەسىنىڭ ساپاسىن ارتتىرۋعا ىقپال ەتەتىنى ءسوزسىز», دەيدى اتالعان مەكتەپتىڭ ديرەكتورى ساعىنىش تولەۋحانوۆا.
ءوڭىر مەكتەپتەرىن زاماناۋي جابدىقتارمەن جانە جيھازبەن قامتاماسىز ەتۋ – جۇيەلى جۇمىس. وبلىستىڭ ءبىلىم باسقارماسىنىڭ مالىمەتىنشە, حيميا, بيولوگيا, فيزيكا, روبوتوتەحنيكا جانە STEM-زەرتحانالاردى جابدىقتاۋعا ارنالعان جيىنتىقتار جىل سايىن ساتىپ الىنادى.