اتىراۋ. 4 اقپان. ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە قازاقستان حالقى اسسامبلەياسى ينستيتۋتى جۇمىسىن باستادى. بۇل تۋرالى egemen.kz ءتىلشىسى حابارلادى.
ۋنيۆەرسيتەت رەكتورى, پروفەسسور بەيبىت مامراەۆتىڭ ايتۋىنشا, بۇل ساياسي قۇرىلىمنىڭ باستى ماقساتى – وبلىستاعى بارلىق ەتنوس وكىلدەرىن ورتاق ماقساتقا جۇمىلدىرا وتىرىپ, ەلىمىزدەگى تۇراقتىلىقتى ساقتاۋ مەن تاۋەلسىز قارقىندى دامۋىنا ايتۋلى ۇلەس قوسۋ. ستۋدەنتتەرگە قازاقستانداعى ءتۇرلى ەتنوستاردىڭ مادەنيەتى مەن ءتىلى, ءداستۇرى مەن ازاماتتىق بىرەگەيلىگى دە كەڭىنەن ناسيحاتتالادى.
قازىر اتىراۋ وبلىسىندا 17 ەتنومادەني بىرلەستىك قۇرىلىپ, ۇلتارالىق تاتۋلىقتى نىعايتۋعا وزىندىك ۇلەسىن قوسىپ كەلەدى. ال ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە 16 ۇلتتىڭ وكىلى ءبىلىم الادى.
«ەندى بۇل ساياسي ينستيتۋت ەتنوسارالىق كەلىسىمدى جانە تولەرانتتىلىقتى ودان ءارى نىعايتۋ ءۇشىن قولايلى جاعدايلار جاسايتىن, ەتنومادەني بىرلەستىكتەردىڭ كۇش-جىگەرىن بىرىكتىرۋدى كوزدەيتىن, سونىمەن بىرگە, ءتۇرلى الەۋمەتتىك زەرتتەۋلەر جاسايتىن ورتالىققا اينالادى», دەدى ۋنيۆەرسيتەتى رەكتورى, پروفەسسور بەيبىت مامراەۆ.
جولداسبەك شوپەعۇل.
دەرەك:egemen.kz.
سۋرەت: راحىم قويلىباەۆ.