ءبىر عاسىردان اسا تاريحى بار «Egemen Qazaqstan» گازەتىن ەلۋ جىلدان بەرى ۇزبەي جازدىرتىپ الىپ وتىرامىن. اپتاسىنا بەس رەت قولىمىزعا تيەتىن باس باسىلىم بەتتەرىندە جاريالانىپ تۇراتىن ەل تاريحىنا, ۇلت رۋحانياتىنا قاتىستى قۇندى ماتەريالداردى, بۇگىنگى قوعامنىڭ قالپى مەن مەملەكەتىمىزدىڭ دامۋ باعىتىن تەرەڭ تالداپ, جان-جاقتى ساراپتاپ, كوكەيگە ساۋلە تۇسىرەتىن سالماقتى دۇنيە, بايسالدى وي, بايىپتى ماقالالاردى تۇششىنىپ وقيمىن.
«ەگەمەن» – ەڭ الدىمەن ەلدىگىمىزدىڭ, بىرلىگىمىزدىڭ, بەرەكەلى تىرلىگىمىزدىڭ, ەل ىشىندە بولىپ جاتقان جاقسىلىق پەن جاڭاشىلدىقتىڭ جارشىسى. وسى بيىگىن استە الاسارتىپ كورمەگەن باس باسىلىم ەلدىڭ كوكەيىندەگى كوپتەگەن تۇيتكىلدى ماسەلەنىڭ شەشىلۋىنە سەپ بولىپ, يگى ىستەرگە دانەكەر بولۋدان تايعان ەمەس. بۇل ورايدا ەل گازەتى شالعاي اۋىلدىڭ مۇڭىن مۇڭداپ, قاراپايىم جۇرتتىڭ ءسوزىن سويلەپ, بايىپتى الەۋمەتتىك سىننىڭ بيىك مىنبەرى بولا ءبىلدى. «ەگەمەننىڭ», اسىرەسە, الاش ارىستارىنىڭ قايراتكەرلىگى مەن اسىل مۇراسىن ەلگە تانىتا تۇسۋدەگى ەڭبەگى, احمەتكە ەتكەن ەڭبەگى ۇشان-تەڭىز.
بيىل 105 جىلدىعىن اتاپ ءوتىپ جاتقان باس باسىلىمنىڭ تۇراقتى وقىرمانى رەتىندە گازەت ۇجىمىنا, جالپى وقىرمان قاۋىمعا قۇتتى بولسىن ايتا وتىرىپ, «ەگەمەننىڭ» ەلدىك جولى جالعاسا بەرسىن دەگەن ىزگى تىلەگىمدى جولداماقپىن.
يبراحيم اعىتاي,
احمەتتانۋشى
قوستاناي قالاسى
جولدار جولدى تۇزەدى
مەنىڭ جاسىم – 88-دە. قارت ۇستازبىن. «Egemen Qazaqstan» گازەتىن جازدىرىپ الىپ, وقىپ كەلە جاتقانىما جارتى عاسىرعا جۋىقتادى. زامان وزگەرىسىنە ساي دامىپ كەلە جاتقان گازەت ۇجىمىنا ساتتىلىك تىلەيمىن. مەن سياقتى ەكى ءداۋىردىڭ تىنىسىن سەزگەن وقىرماندارىڭىز كوبەيە بەرسىن!
ەلدىڭ تىنىس-تىرشىلىگى, شارۋاشىلىعى, ونەرى مەن مادەنيەتى, ءبىلىمى مەن دەنساۋلىعى, تابيعاتتى قورعاۋ ماسەلەلەرى ءتۇرلى تاقىرىپتارمەن تۇزدىقتالىپ, مەيلىنشە قاراپايىم دا تۇسىنىكتى ەتىپ جازىلىپ ءجۇر. باس باسىلىم وڭىرلەردەگى كولىك جولدارىنىڭ جاعدايى تۋرالى اۋقىمدى ماسەلەلەر كوتەرىپ كەلەدى. وسى گازەتتەن ەلىمىزدىڭ سولتۇستىگىندەگى كولىك جولدارىنىڭ جايى تۋرالى جازىلعان ماقالانى ءسۇيسىنىپ وقىدىم. جول كۇرەتامىر دەپ بەكەر ايتپاسا كەرەك جولى دۇرىس ەلدىڭ شارۋاسى دا تەز وڭالادى.
مەن ۇزاق جىلدان بەرى اقتوبە وبلىسىندا 1997 جىلى جابىلعان ەمبى اۋدانىن قايتادان اشۋ جونىندە ماسەلە كوتەرىپ ءجۇرمىن. مۇعالجار اۋدانىنا وكتيابر اۋدانىن قوسىپ, ورتالىعىن قاندىاعاش قالاسى دەپ جاريالانعان كۇننەن باستاپ, ەمبىنىڭ كۇيى كەتە باستادى. ادامدار كوشىپ كەتتى, ءتاپ-ءتاۋىر جۇمىس ىستەپ تۇرعان مەكەمەلەر جابىلدى. ەمبىنىڭ قازىرگى جاعدايى ماعان قاتتى باتادى. ۇكىمەت شاعىن قالالاردى دامىتۋدى شىنداپ قولعا السا, كۇيى كەتكەن ەمبىنىڭ تامىرىنا قان جۇگىرەر مە ەدى دەپ ۇمىتتەنەمىن.
ىبىراي تەمىرباەۆ
اقتوبە وبلىسى,
شالقار اۋدانى,
بەرشۇگىر اۋىلى