الماتى وبلىسىنىڭ تۇرعىنى ەتەنە جاقىن ەمەس بولسا دا قاراعاندىداعى ساۋدا ۇيلەرىنىڭ ءبىرىنىڭ باسشىسىنان 1,7 ملن قارىز سۇراپ, كەپىل رەتىندە جەڭىل كولىگىن قالدىرعان, دەپ جازادى Egemen.kz.
Polisia.kz مالىمەتىنشە, كەلەسى كۇنى ساۋدا ۇيىمىنىڭ باسشىسى كەپىلگە العان كولىگىمەن بانكتىك شوتقا اۋدارۋ ءۇشىن 14 ملن تەڭگە سوماسىندا قولما-قول اقشا الىپ, جۇمىسقا كەلگەن. سول تۇستا قارىز الۋشى كولىكتە نوۋتبۋك قالعانىن سىلتاۋراتىپ, كولىكتى اشۋىن سۇراعان. ونىڭ ءوتىنىشىن ورىنداپ, جۇمىستارىمەن ءوز جونىنە كەتكەن. ءبىراز ۋاقىتتان كەيىن ول كوشەگە شىعىپ, 14 ملن تەڭگە بولعان كولىكتىڭ جوعالىپ كەتكەنىن انىقتاعان. ەر ادام كۇدىكتىمەن بايلانىسقاندا, ول تەلەفونىن ءوشىرىپ تاستاعان.
پوليتسيا الماتى وبلىسىنىڭ 35 جاستاعى تۇرعىنىن كۇدىكتى رەتىندە ۇستادى. ول بۋكمەكەرلىك كەڭسەلەردىڭ بىرىندە ۇنەمى اقشانى ۇتىسقا تىگەتىنىن ءتۇسىندىرىپ, بۇل رەتتە دە ساتسىزدىككە ۇشىراعانىن مويىنداعان. جيناقتالعان قارىزدى وتەۋ ءۇشىن جابىرلەنۋشىدەن 1,7 ملن تەڭگە قارىز الىپ, ايتارلىقتاي ۇتىسقا سەنگەن. كەيىننەن وقيعا ورنىنان جاسىرىنىپ, جابىرلەنۋشىگە تيەسىلى 14 ملن تەڭگەنى دە تاۋىپ العان. ول بارلىق اقشانى تاعى دا ۇتىسقا تىگىپ جىبەرگەن.
پوليتسيا قازىرگى ۋاقىتتا قىلمىستىق ءىس قوزعالىپ, تەرگەۋ جۇرگىزىلىپ جاتقانىن حابارلادى. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاعايىندالعان.