الماتىنىڭ «قايرات» فۋتزال كومانداسى تاعى دا ۋەفا كۋبوگىنىڭ يەگەرى اتاندى. بۇل جولى ول فينالدا يسپانيانىڭ «بارسەلونا» كومانداسىن 3:2 ەتىپ ۇتىپ, وسى جۇلدەگە ەكىنشى مارتە قول جەتكىزدى.
كۋبوكتىڭ فينالدىق ماتچى پورتۋگاليانىڭ استاناسى – ليسسابون قالاسىندا ءوتتى. كەزدەسۋ بارىسىندا قازاقستاندىقتار ساپىنان ۋمبەرتو (17-مينۋت), الەشانرە ديۆانەي (19-مينۋت) جانە يگور (32-مينۋت) سىندى ويىنشىلار مەرگەندىكتەرىمەن كوزگە ءتۇسىپ, جەڭىستى قامتاماسىز ەتتى.
ايتا كەتەيىك, الماتىلىقتار مۇنىڭ الدىنداعى جارتىلاي فينالدىق ماتچتا ماسكەۋدىڭ «دينا» جاساعىن 7:4 ەسەبىمەن تىزە بۇكتىرىپ ەدى. ال ماسكەۋلىكتەر سوڭىنان ليسابوننىڭ «سپورتينگىمەن» بولعان قولا مەدال ءۇشىن تالاستا تاعى جەڭىلىپ قالدى.
وسىمەن «قايرات» ەۋروپا فۋتبول اسسوتسياتسياسىنىڭ باس جۇلدەسىن ەكىنشى دۇركىن جەڭىپ الىپ وتىر. ول كۋبوكقا ءبىرىنشى رەت 2013 جىلى قول جەتكىزگەن ەدى. ال 2014 جىلدىڭ كۇزىندە الماتىدا ماسكەۋدىڭ «ديناسىن» 3:2 ەتىپ ۇتىپ, ۋەفا-نىڭ سۋپەركۋبوگىن دا العان بولاتىن.
رۋسلان يگىلىك.