جوعارعى سوتتا سوت تورەلىگى جۇيەسىنىڭ تيىمدىلىگىن ارتتىرۋ جوباسىنىڭ ۇيلەستىرۋ كوميتەتىنىڭ وتىرىسى ءوتتى, دەپ حابارلايدى Egemen.kz.
️وعان جوعارعى سوتىنىڭ توراعاسى اسلامبەك مەرعاليەۆ, سوت اكىمشىلىگىنىڭ باسشىسى نايل احمەتزاكيروۆ, ءسا باسشىسىنىڭ ءبىرىنشى ورىنباسارى, جوبا ۇيلەستىرۋشىسى شاكىر شاياحمەتوۆ, ەلشى, قازاقستانداعى ەقىۇ باعدارلامالار ءوفيسىنىڭ باسشىسى, دوكتور فولكەر فروبارت, ءوفيستىڭ ادامي ولشەم ءبولىمىنىڭ اعا كەڭەسشىسى نيكولاس مازيك جانە ءوفيستىڭ ۇلتتىق ۇيلەستىرۋشىسى ەۆگەنيا ورالوۆا, ءسا قۇرىلىمدىق بولىمشەلەردىڭ باسشىلارى قاتىستى.
◾️ جوبانى بيىل ىسكە اسىرۋدىڭ نەگىزگى ناتيجەلەرى جانە 2025 جىلعا ارنالعان جوسپارلار تالقىلاندى.
◾️ ا.مەرعاليەۆ ءوز سوزىندە جوعارعى سوت پەن وفيس اراسىنداعى ىنتىماقتاستىقتىڭ جوعارى دەڭگەيىن, جوبا شەڭبەرىندە سوت جۇيەسىنىڭ باستامالارىنا قولداۋ كورسەتىلىپ جاتقانىن ايتا كەلە, قازاقستاننىڭ سوت جۇيەسىن جاڭعىرتۋ ىسىندە ارىپتەستىكتىڭ ماڭىزدىلىعىنا توقتالدى.
◾️ ن.احمەتزاكيروۆ 2024 جىلعا جوسپارلانعان بارلىق ءىس-شارالاردىڭ ءساتتى جۇزەگە اسۋىنا توقتالىپ, ەقىۇ-مەن ىنتىماقتاستىقتىڭ تيىمدىلىگىنە سەنىم ءبىلدىردى.
◾️ ف.فروبارت جوبانىڭ سوت جۇيەسىندەگى رەفورمالاردى جالعاستىرۋداعى ماڭىزدىلىعىن ايتا وتىرىپ, ونى 2026 جىلدىڭ سوڭىنا دەيىن ۇزارتۋدى ۇسىندى.
◾️وتىرىسقا قاتىسۋشىلار 2025 جىلعا ارنالعان جوسپارلاردى, ونىڭ ىشىندە سۋديالار مەن سوت قىزمەتكەرلەرىن كاسىبي دايارلاۋ شەڭبەرىندە سوت ءبىلىم بەرۋ سالاسىنداعى بيزنەس-پروتسەستەردى جانە باستامالاردى وڭتايلاندىرۋ شارالارىن تالقىلادى.
◾️تاراپتار العا قويعان ماقساتتارعا جەتۋ ءۇشىن ىنتىماقتاستىقتى ودان ءارى نىعايتۋعا دايىن ەكەندىكتەرىن ءبىلدىردى. جوعارعى سوتتىڭ ءباسپاسوز قىزمەتىنىڭ مالىمەتىنشە جوعارعى سوت پەن ەقىۇ-نىڭ استاناداعى باعدارلامالار ءوفيسى مەموراندۋمعا قول قويىپ (2021 ج.) قازاقستانداعى سوت تورەلىگى جۇيەسىنىڭ تيىمدىلىگىن ارتتىرۋ بويىنشا بىرلەسكەن جوبانى ىسكە قوسقان بولاتىن.
جوبا 2025 جىلدىڭ سوڭىنا دەيىنگى كەزەڭدى قامتيدى جانە زاڭ ۇستەمدىگىن نىعايتۋعا, سوت تورەلىگى جۇيەسىنىڭ اشىقتىعى مەن جاريالىلىعىنا جاردەمدەسۋگە باعىتتالعان (سوتتى اكىمشىلەندىرۋدى جەتىلدىرۋ; سوت قىزمەتتەرىنىڭ ساپاسىن ارتتىرۋ; سۋديالاردىڭ جۇمىسىن باعالاۋ جۇيەسىن جاڭارتۋ; سۋديالاردى وقىتۋدىڭ جاڭا يننوۆاتسيالىق پراكتيكاسىن ەنگىزۋ; سوت پراكتيكاسىنىڭ بىركەلكىلىگىن باعالاۋدىڭ ات-تالداۋ جۇيەسىن ازىرلەۋ).