ەلىمىزدە «eGov Mobile»-دان جەكە كۋالىكتىڭ تسيفرلىق نۇسقاسىن «Samsung Wallet» ەلەكتروندىق ءاميانىنا ورنالاستىرۋ مۇمكىندىگى پايدا بولدى. جوبانى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, «ۇلتتىق اقپاراتتىق تەحنولوگيالار» اق جانە «Samsung Electronics Central Eurasia» كومپانياسىمەن بىرلەسىپ, قاناتقاقتى رەجىمدە ىسكە قوستى.
«Samsung Wallet»-تەگى تسيفرلىق جەكە كۋالىك – بۇل جەكە دەرەكتەردى ساقتاۋدىڭ ىڭعايلى جانە قاۋىپسىز ءادىسى. ازاماتتار فيزيكالىق تاسىمالداۋشىنى جوعالتۋدان نەمەسە ۇرلاتۋدان قورىقپاي, ءوز قۇجاتىن بىردەن تسيفرلىق تۇردە ۇسىنا الادى. بارلىق دەرەك جەكە اقپاراتتى سەنىمدى قورعاۋدى قامتاماسىز ەتەتىن كوپدەڭگەيلى قاۋىپسىزدىك جۇيەسىمەن قورعالعان. بۇل فۋنكتسيا «Egov Mobile» قولدانباسى ورناتىلعان «Samsung» سمارتفوندارىنىڭ پايدالانۋشىلارى ءۇشىن قولجەتىمدى. قۇجاتتاردى قوسۋ ءۇشىن پايدالانۋشىعا:
– Egov Mobile قولدانباسىندا اۆتوريزاتسيا جاساپ, «تسيفرلىق قۇجاتتار» سەرۆيسىنە ءوتۋ كەرەك,
–جەكە كۋالىك» تسيفرلىق قۇجاتىن اشۋ جانە «Samsung Wallet» ءاميانىنا قوسۋ باتىرماسىن باسۋ كەرەك,
– دەربەس دەرەكتەردى وڭدەۋ تۋرالى كەلىسىممەن تانىسۋ, ولاردى وڭدەۋگە ءوز كەلىسىمىن بەرۋ جانە وعان ەتسق ارقىلى «قول قويۋ» قاجەت.
تسيفرلىق كۋالىكتىڭ اقپاراتتار بولىمىندە كورسەتىلگەن جارامدىلىق مەرزىمى ازاماتتىڭ جەكە كۋالىگىندە كورسەتىلگەن مەرزىمگە سايكەس كەلەدى. ەگەر ۋاقىت وتە كەلە كۋالىكتەگى اقپارات وزگەرسە, وندا پايدالانۋشى اعىمداعى تسيفرلىق كۋالىكتى ءوشىرىپ تاستاپ, جەكە كۋالىكتى قايتا شىعارعان كەزدە ونى جاڭارتۋ ءۇشىن قايتا قوسا الادى.