قازاقستاندا ەكى جىل مەرزىمگە اسكەري بورىشىن وتەۋگە زاپاستاعى وفيتسەرلەر شاقىرىلادى, دەپ حابارلايدى Egemen.kz.
ۇكىمەتتىڭ «زاپاستاعى وفيتسەرلەردى اسكەري قىزمەتكە شاقىرۋ تۋرالى» قاۋلىسىنا سايكەس, 2025 جىلى اسكەري قىزمەتكە جارامدى جانە بۇرىن ونى وتەمەگەن زاپاستاعى وفيتسەرلەر وفيتسەرلىك قۇرام بويىنشا اسكەري قىزمەتكە شاقىرىلادى.
قارۋلى كۇشتەر قاتارىنا 700 ادامدى, ۇلتتىق قاۋىپسىزدىك كوميتەتىنىڭ شەكارا قىزمەتىنە 80 ادامدى, ىشكى ىستەر مينيسترلىگىنىڭ ۇلتتىق ۇلانىنا 131 ادامدى, توتەنشە جاعدايلار مينيسترلىگىنە 4 ادامدى شاقىرۋ جوسپارلاندى. كەلەر جىلى بارلىعى 915 زاپاستاعى وفيتسەر شاقىرىلادى.
قاۋلى 2024 جىلعى 30 قاراشادان باستاپ كۇشىنە ەنەدى.
ەسكە سالايىق, 2024 جىلى قازاقستاندا قىزمەتكە جارامدى, بىراق ونى وتەمەگەن 752 زاپاستاعى وفيتسەر اسكەري قىزمەتكە شاقىرىلدى.