ۋكراينا — ناتو كەڭەسى قاراشا ايىندا رەسەيدىڭ ۋكراينانىڭ اسكەري-ونەركاسىپتىك كەشەنىنىڭ نىساندارىنا جاڭا بالليستيكالىق زىمىراندى قولدانۋىنا قاتىستى شۇعىل وتىرىس وتكىزەدى, دەپ حابارلايدى Egemen.kz فرانتسيانىڭ AFP اگەنتتىگىنە سىلتەمە جاساپ.
«ۋكراينا مەن ناتو سەيسەنبىدە كەڭەس وتىرىسىن وتكىزىپ, ۋكرايناعا رەسەيلىك گيپەرسونيكالىق بالليستيكالىق زىمىراننىڭ اسەرىن باعالايدى», دەپ اتاپ ءوتتى اگەنتتىك.
بۇعان دەيىن رەسەي پرەزيدەنتى ۆلاديمير پۋتين ءوز ازاماتتارىنا جولداۋىندا ماسكەۋ امەريكالىق جانە بريتاندىق الىس قاشىقتىقتاعى زىمىراندارمەن شابۋىلدارعا جاۋاپ رەتىندە ۋكرايناداعى نىساندارعا ەڭ جاڭا ورتا قاشىقتىقتاعى «ورەشنيك» بالليستيكالىق زىمىرانىمەن سوققى جاساعانىن ايتقان.