الماتىداعى مەملەكەتتىك ورتالىق مۋزەيدە قوعام قايراتكەرى, قازاقستان ونەر اكادەمياسىنىڭ جانە «MONDIAL ART ACADEMIA» دۇنيەجۇزىلىك ونەر اكادەمياسىنىڭ اكادەميگى, كورنەكتى سۋرەتشى بولات مۇحامەديەۆتىڭ «ۋاقىت رەزونانسى» اتتى جەكە كورمەسىنىڭ اشىلۋ سالتاناتى ءوتتى, دەپ حابارلايدى Egemen.kz.
كورمە اۆتوردىڭ 50-گە جۋىق تسيفرلىق كەسكىندەمە جانە گرافيكاداعى شىعارمالارىنان تۇرادى.
ۇسىنىلعان ەرەكشە تۋىندىلاردىڭ ءبىرى – تسيفرلىق كەسكىندەمە. بۇل سۋرەتشىنىڭ ونەرگە زاماناۋي تەحنولوگيالاردى ەنگىزۋگە دەگەن ۇمتىلىسىن بىلدىرەدى جانە قازاقستاننىڭ جاس سۋرەتشىلەرىنە ماڭىزدى باعدار بولارى انىق.
ەكسپوزيتسيا كورەرمەندەردى شىعارماشىلىقتىڭ جاڭا مۇمكىندىكتەرىن اشۋعا شابىتتاندىرىپ, XXI عاسىر ونەرىندە تسيفرلىق تەحنولوگيالاردىڭ بىرەگەيلىگىن ايقىنداۋعا جانە ءاربىر ادامعا شەبەردىڭ تۋىندىلارىنان «ۋاقىت رەزونانسىن» تابۋعا مۇمكىندىك بەرۋدى كوزدەيدى.