مەملەكەتتىك (مۋنيتسيپالدىق) ساتىپ الۋدى جۇزەگە اسىرۋ كەزىندە بانك كەپىلدىكتەرىن ءوزارا تانۋ جونىندەگى كەلىسىم راتيفيكاتسيالاندى. كەلىسىم 2023 جىلى 29 تامىزدا ماسكەۋدە جاسالعان, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
قۇجاتتا مەملەكەتتىك ساتىپ الۋ كەزىندە كەپىلدىكتەرى وداققا مۇشە باسقا مەملەكەتتەردە تانىلاتىن بانكتەرگە قويىلاتىن بىرىڭعاي تالاپتار, وسىنداي بانكتەردىڭ تىزبەسىن قالىپتاستىرۋ تاسىلدەرى, بەرىلگەن بانك كەپىلدىكتەرىنىڭ ءتىزىلىمىن جۇرگىزۋ ءتارتىبى ايقىندالادى.كەلىسىمدى راتيفيكاتسيالاۋ – مەملەكەتتىك ساتىپ الۋ سالاسىندا ۇزاق مەرزىمدى جانە تۇراقتى نەگىزدەگى ىنتىماقتاستىقتى نىعايتۋعا, ەاەو-عا مۇشە ءبىر مەملەكەتتىڭ اۋماعىندا تىركەلگەن الەۋەتتى ءونىم بەرۋشىلەر مەن ءونىم بەرۋشىلەردىڭ باسقا مۇشە مەملەكەتتە وتكىزىلەتىن مەملەكەتتىك ساتىپ الۋعا قاتىسۋعا كەدەرگىسىز قول جەتكىزۋىنە باعىتتالعان.