تالداۋ بارىسىندا استانا قالاسى ەسىل اۋدانىنىڭ پروكۋراتۋراسى «جاسىل ايماق» شجق رمك 600-دەن استام جۇمىسشىلارىنىڭ جالاقىسىن تولەمەۋى سالدارىنان ولاردىڭ قۇقىقتارىنىڭ بۇزىلعانىن انىقتادى, دەپ حابارلايدى Egemen.kz.
باس پروكۋرتۋرانىڭ مالىمەتىنشە, وسى جىلدىڭ قىركۇيەك ايىنداعى قارىز 144 ملن تەڭگەدەن استام سومانى قۇراعان. پروكۋرورلىق قاداعالاۋ اكتىسىن قاراۋ ناتيجەسىندە جۇمىسكەرلەر الدىنداعى بەرەشەك تولىق كولەمدە وتەلگەن.
«جول بەرىلگەن بۇزۋشىلىق ءۇشىن لاۋازىمدى تۇلعا تارتىپتىك جاۋاپكەرشىلىككە تارتىلدى», دەلىنگەن حابارلامادا.