قايعىلى وقيعا امانگەلدى اۋدانىنا قاراستى قارىنسالدى اۋىلىندا بولعان. جانىپ تۇرعان پەشتەن بولىنگەن ۋلى گازدىڭ سالدارىنان ءبىر ۇيدەن 4 ادام كوز جۇمىپ, ەكى ادام اۋىر حالدە اۋرۋحاناعا تۇسكەن, دەپ حابارلايدى Egemen.kz.
قۇتقارۋشىلار كەلىپ جەتكەندە وقيعا ورنىنان 67 جاستاعى زەينەتكەردىڭ جانە 2016, 2021, 2022 جىلى تۋعان ءۇش بالانىڭ مۇردەسى تابىلعان.
«17 قاراشا كۇنى ساعات 112 پۋلتىنە امانگەلدى اۋدانىنا قاراستى قارىنسالدى اۋىلىنداعى جەكە ۇيدە 6 ادامنىڭ ۋلى گازدان ۋلانعانى تۋرالى حابار ءتۇستى. قۇتقارۋشىلار كەلگەن كەزدە ءورت وشاقتارى انىقتالماعان. ۋلى گازدان زارداپ شەككەن ەكى ادام ارقالىق قالاسىنىڭ اۋرۋحاناسىنا شۇعىل تۇردە جەتكىزىلدى. وقيعانىڭ سەبەپتەرىن انىقتاۋ ءۇشىن وقيعا ورنىندا تجد باسشىلىعى مەن جەدەل توپ جۇمىس ىستەپ جاتىر», دەپ مالىمدەدى وبلىستىق تجد-نىڭ ءباسپاسوز قىزمەتى.
قوستاناي وبلىسى