مەملەكەت باسشىسىنىڭ قاتىسۋىمەن استانادا العاش رەت وتكەن اۋىل شارۋاشىلىعى قىزمەتكەرلەرىنىڭ فورۋمىندا اتالعان سالانى دامىتۋدىڭ تاياۋ بولاشاققا ارنالعان نەگىزگى باعدارلارى ايتىلىپ, ماڭىزدى تاپسىرمالار بەرىلدى. وسى ورايدا, «ازىق-ت ۇلىك كەلىسىمشارت كورپوراتسياسى» ۇك» اق باسقارما توراعاسى اسىلحان دجۋۆاشەۆپەن تىلدەسكەن ەدىك.
ا.دجۋباشەۆتىڭ ايتۋىنشا, فورۋمدا پرەزيدەنت اۋىلداردى دامىتۋ مەملەكەتتى نىعايتۋدىڭ باسىم باعىتى ەكەنىن اتاپ ءوتتى. بيىل اۋىل شارۋاشىلىعى تاۋارىن وندىرۋشىلەر 26 ميلليون توننادان استام (رەكوردتىق كورسەتكىش) ءداندى جانە بۇرشاق داقىلدارىن جينادى.
«وسى جىلدىڭ ەكسپورتتىق الەۋەتى 12 ميلليون توننا استىق. بۇگىندە ەلىمىز استىقتى وزبەكستانعا, ازەربايجانعا, تۇركىمەنستانعا, قىرعىزستانعا, اۋعانستانعا جانە ۇلكەن كولەمدە قىتايعا جەتكىزەدى.
استىقتى ساتىپ الۋشى ەلدەردىڭ كوبى وسى كۇزدە جاقسى استىق جينادى, بۇل – ءبىزدىڭ نەگىزگى نارىقتارىمىزدا سۇرانىس پەن استىق باعاسىنىڭ تومەندەۋىنە ايتارلىقتاي اسەر ەتتى», دەدى ول.
اتالعان كورپوراتسيانىڭ باسقارما توراعاسىنىڭ ايتۋىنشا, مەملەكەت باسشىسى ۇكىمەتكە وتاندىق اۋىل شارۋاشىلىعى تاۋارىن وندىرۋشىلەرگە كومەك كورسەتۋدى دەر كەزىندە تاپسىردى. اتاپ ايتقاندا, اۋىل شارۋاشىلىعى مينيسترلىگى ازىق-ت ۇلىك كەلىسىم شارت كورپوراتسياسى ارقىلى فەرمەرلەردەن استىقتى ينتەرۆەنتسيالىق ساتىپ الۋدى جۇزەگە اسىرۋى كەرەك.
«قازىر ازىق-ت ۇلىك كەلىسىمشارت كورپوراتسياسى اۋىل شارۋاشىلىعى مينيسترلىگىمەن بىرلەسە وتىرىپ, شارۋالارعا كومەكتەسۋ ءۇشىن قاجەتتى قاراجاتتى ءبولۋ جۇمىستارىن جۇرگىزىپ جاتىر جانە تاياۋدا استىقتى تىكەلەي ساتىپ الۋدىڭ باستالاتىنىن ءمالىم ەتەدى. قابىلدانعان شارالار – ءبىرىنشى كەزەكتە شاعىن جانە ورتا شارۋاشىلىقتاردى قولداۋعا, ولاردىڭ ونىمدەرىن ءادىل باعامەن وتكىزۋگە باعىتتالعان. ءدال وسىنداي كومەكتى 2023 جىلدىڭ جەلتوقسان ايىندا جۇزەگە اسىرعان ەدىك. بيىل دا وسى باعىتتاعى بەلسەندى جۇمىستى جالعاستىرىپ, شارۋالارعا بارىنشا جاردەمدەسەمىز», دەيدى اسىلحان دجۋۆاشەۆ.