پرەزيدەنت قاسىم-جومارت توقاەۆ بۇۇ كليماتتىڭ وزگەرۋى تۋرالى نەگىزدەمەلىك كونۆەنتسياسىنا قوسىلۋشى تاراپتاردىڭ 29-شى كونفەرەنتسياسى (سOP29) اياسىندا گرەكيا پرەمەر-ءمينيسترى كيرياكوس ميتسوتاكيسپەن كەزدەسۋ وتكىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى گرەكيانى قازاقستاننىڭ جەرورتا تەڭىزى ايماعى جانە ەۋروپا وداعىنداعى سەنىمدى سەرىكتەسى رەتىندە اتاپ ءوتىپ, افينى ەلىمىزدىڭ ەۋروپا وداعىنا مۇشە مەملەكەتتەر اراسىنداعى بەس ءىرى ساۋدا ارىپتەسىنىڭ ءبىرى ەكەنىنە نازار اۋداردى.
كيرياكوس ميتسوتاكيس قازاق-گرەك ىنتىماقتاستىعىنىڭ الەۋەتىن جوعارى باعالاپ, بارلىق باعىتتاعى ءوزارا بايلانىستاردى تەرەڭدەتۋگە دايىندىعىن جەتكىزدى.قاسىم-جومارت توقاەۆ پەن كيرياكوس ميتسوتاكيس ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق قارىم-قاتىناستى نىعايتۋعا بەيىل ەكەنىن راستاپ, ءوزارا ساۋدا-ساتتىقتى ءارتاراپتاندىرۋدىڭ ماڭىزدىلىعىنا توقتالدى.كەزدەسۋدە بەلسەندى ساياسي ديالوگ جۇرگىزۋ جونىندە ۋاعدالاستىق جاسالدى. گرەكيا ۇكىمەتىنىڭ باسشىسى پرەزيدەنت قاسىم-جومارت توقاەۆتىڭ قازاقستانعا ساپارمەن كەلۋ تۋرالى ۇسىنىسىن ريزاشىلىقپەن قابىل الدى.