كليماتتىڭ وزگەرۋى جونىندەگى بۇۇ-نىڭ نەگىزدەمەلىك كونۆەنتسياسىنا قوسىلۋشى تاراپتاردىڭ 29-كونفەرەنتسياسى اياسىندا قازاقستان ۇكىمەتى مەن يسلام دامۋ بانكى اراسىندا مەملەكەت باسشىسىنىڭ قاتىسۋىمەن قازاقستانداعى سۋ رەسۋرستارىن دامىتۋ جوباسىن ىسكە اسىرۋ ءۇشىن ۇزاقمەرزىمدى قارجىلاندىرۋ شارتىنا قول قويىلدى.
وسى شارتقا سايكەس, يسلام دامۋ بانكى قازاقستانعا 1,153 ملرد دوللار كولەمىندە قارجى ءبولىپ وتىر. قول قويۋ راسىمىنە قاتىسقان يسلام دامۋ بانكىنىڭ پرەزيدەنتى مۇحاممەد سۋلەيمان ءال-دجاسسەردىڭ ايتۋىنشا, بۇل – يسلام دامۋ بانكى تاريحىنداعى قارجىلاندىرىلاتىن ەڭ ءىرى جوبا. مۇنى ىسكە اسىرۋ اياسىندا ەلىمىزدە 9 جاڭا سۋ قويماسى سالىنادى نەمەسە قايتا جاڭعىرتىلادى. سونىمەن قاتار 3 450 شاقىرىم كانالدار قايتادان سالىنادى. وسىنىڭ ناتيجەسىندە اۋىل شارۋاشىلىعى ءۇشىن پايدالانىلاتىن سۋارمالى جەر كولەمىن 330 مىڭ گەكتارعا كوبەيتەمىز.
جوبانىڭ جۇزەگە اسىرىلۋى ەلىمىزدىڭ سۋ شارۋاشىلىعى ينفراقۇرىلىمىن قايتا جاڭارتىپ, قالپىنا كەلتىرۋگە مۇمكىندىك بەرەدى, سونداي-اق ەكونوميكامىزدىڭ دامۋىنا وڭ اسەرىن تيگىزەدى. يسلام دامۋ بانكىنىڭ تالابى بويىنشا بۇل جوبانى ورىنداۋ ءۇشىن حالىقارالىق تاجىريبەسى بار, گيدروتەحنيكا سالاسىنداعى ەڭ ۇزدىك تاجىريبەلەرى بار كومپانيالار قازاقستانعا تارتىلادى.
نۇرلان بايبازاروۆ,
ۇلتتىق ەكونوميكا ءمينيسترى