حرومتاۋ اۋدانىنداعى ءدوڭ تاۋ-كەن بايىتۋ كومبيناتىنىڭ اۋماعىندا جۇمىسشى بيىكتەن قۇلاپ, مەرت بولدى, دەپ حابارلايدى Egemen.kz.
قايعىلى وقيعا 4 قاراشا كۇنى بولعان.
«كومپانيا زارداپ شەگۋشىگە كاسىبي مەديتسينالىق كومەك كورسەتۋگە بار كۇشىن سالدى. دارىگەرلەر ونىڭ ءومىرى ءۇشىن بىرنەشە كۇن كۇرەسكەنىمەن, وكىنىشكە وراي, ونى امان الىپ قالا المادى. وقيعا تۋرالى مەملەكەتتىك ورگاندارعا حابارلانىپ, تەرگەۋ ءجۇرىپ جاتىر. كاسىپورىن ۇجىمى مارقۇمنىڭ تۋىستارىنا قايعىلارىنا ورتاقتاسىپ, كوڭىل ايتادى», دەلىنگەن حابارلامادا.
ايتا كەتەيىك, بيىل وسى حرومتاۋداعى «قازحروم» فيليالىنىڭ ەكى قىزمەتكەرى مەرت بولدى. اتالعان وقيعا بويىنشا قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر.