بىرنەشە وڭىردە وقۋشىلار قاشىقتان وقيدى

قاراعاندى وبلىسى ءبىلىم باسقارماسىنىڭ حابارلاۋىنشا 7 قاراشادا اۋا رايىنىڭ قولايسىزدىعىنا بايلانىستى ءبىرىنشى اۋىسىم 0-11 سىنىپ وقۋشىلارىنىڭ, 1-2 كۋرس كوللەدج ستۋدەنتتەرىنىڭ ساباقتارى قاشىقتان وقۋعا كوشىرىلەدى.

بالقاش جانە پريوزەرسك قالالارى شتاتتىق فورماتتا وقيدى.

اقمولا وبلىسىندا: 1 اۋىسىم 0-11 سىنىپتار: استراحان, اتباسار, شورتاندى, اقكول, جاقسى, ەرەيمەنتاۋ, ەسىل اۋداندارىنداعى قالا مەكتەپتەرى, جارقايىڭ اۋدانىنىڭ مەكتەپتەرى, ساندىقتاۋ اۋدانىنىڭ 2 مەكتەبى. 0-9 سىنىپتار: قوسشى قالاسى, تسەلينوگراد, ستەپنوگورسك قالاسى, ەگىندىكول, ءبىرجان سال, ارشالى اۋداندارى.1-4 سىنىپتار: كوكشەتاۋ قالاسى, زەرەندى اۋدانى.

پاۆلودار وبلىسىندا 7 قاراشادا ءبىرىنشى اۋىسىمداعى مەكتەپالدى, 1-11 سىنىپ وقۋشىلارىنىڭ جانە 1-2 كۋرس كوللەدج ستۋدەنتتەرىنىڭ ساباقتارى قاشىقتان وقۋ فورماتىنا اۋىستىرىلادى. 

ەسكە سالايىق, «قازاۆتوجول» ۇك» اق مالىمەتىنشە قاتتى جەل جانە كورىنۋدىڭ شەكتەلۋىنە بايلانىستى 5 وڭىردەگى رەسپۋبليكالىق ماڭىزى بار اۆتوجولداردىڭ 10 ۋچاسكەسىندە قوزعالىس جابىق جانە شەكتەلگەن. اقتوبە, اقمولا, قوستاناي, جامبىل, تۇركىستان وبلىستارىندا كولىك قۇرالدارىنىڭ بارلىق تۇرلەرىنىڭ قوزعالىسى جابىق.

قر تجم ستراتەگيالىق جوسپارلاۋ جانە جەدەل باسقارۋ كوماندالىق ورتالىعىندا 8 (7172) 70-41-14, سونداي-اق اقمولا وبلىسىنىڭ تجد 8(7162) 52-09-50 جەدەل جەلىسىنىڭ تەلەفونى اشىلدى.