الماتى وبلىسىنداعى الماتى-بىشكەك تاس جولىندا جۇك كولىگى مەن ميكرواۆتوبۋس سوقتىعىسقان. اپات سالدارىنان ەكى ادام قايتىس بولدى, دەپ حابارلايدى Egemen.kz.
كۋاگەرلەردىڭ ايتۋىنشا, Howo جۇك كولىگى بىشكەككە, ال Toyota Previa ميكرواۆتوبۋسى وعان قاراما-قارسى كەلە جاتقان. تاس جولدىڭ 128 شاقىرىمىندا ميكرواۆتوبۋس جۇرگىزۋشىسى باسىپ وزۋ ءۇشىن قارسى قوزعالىسقا شىعىپ كەتكەن.
ناتيجەسىندە, جۇك كولىگىنىڭ سوققىسىنان Toyota Previa جۇرگىزۋشىسى مەن جولاۋشىسى جەڭىل كولىكتەن ۇشىپ شىعىپ, جۇك كولىگىنىڭ ارتىنا قۇلاعان. جۇرگىزۋشى مەن جولاۋشى العان جاراقاتتارىنان وقيعا ورنىندا كوز جۇمعان.
پوليتسيا اتالعان فاكتى بويىنشا قىلمىستىق ءىس قوزعالعانىن حابارلادى.