ءىت-ءبىلىم – ۋاقىت تالابى

مەملەكەت باسشىسى جولداۋىن­دا كەمىندە 100 مىڭ IT-مامان دايارلاۋ تۋرالى ايتا كەلىپ, جاس, ءبىلىمدى ءارى ىنتالى كادرلاردى قالىپتاستىرۋ كەرەكتىگىن اتاپ وتكەن ەدى. تاپسىر­ماعا سايكەس تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى «Astana Hub» حالىقارالىق تەحنو­پاركىمەن بىرلەسىپ, 2021 جىلى 20 مىڭ IT-كادر دايارلاۋدى كوزدەيتىن «Tech Orda» باعدارلاماسىن ىسكە قوستى. وسىلايشا, مەملەكەتتىڭ قول­داۋىمەن ءار ستۋدەنتكە 600 مىڭ تەڭگە ءبولىنىپ, جىل سايىن 3 مىڭ­نان استام IT-مامان وقىتۋ جوسپار­لاندى. بۇل باعدارلامانىڭ ەرەك­شەلىگى – ەلىمىزدىڭ 18 بەن 45 جاس ارالىعىنداعى بارلىق ازاماتىنا جاساندى ينتەللەكت مۇمكىندىكتەرىن ۇيرەتىپ,  ءىت-ماماندىقتى تەگىن وقىتادى.

وسى جىلى «Tech Orda» باعدارلا­ماسىنا 3465 گرانت ءبولىندى, ونىڭ ىشىندە 2465-ءى نەگىزگى لەككە, ال 1000-ى مامانداندىرىلعان توپتار اياسىندا پەداگوگتەرگە ۇسىنىلدى. اتاپ ايتقاندا, 300 گرانت مەكتەپ مۇعالىمدەرىنىڭ جانە 700 گرانت جوعارى وقۋ ورىندارىنداعى وقىتۋ­شىلاردىڭ بىلىكتىلىگىن ارتتىرۋعا بەرىلدى.

باعدارلامانىڭ 2022 جانە 2023 جىلدارداعى ناتيجەلەرى بىلىكتى كادرلاردى دايارلاۋداعى ماڭىزىن راستايدى. بۇگىندە 91 مەكتەپ 6251 ستۋ­د­ەنتتى وقىتتى. جوباعا ءىرى قالا­لاردىڭ تۇرعىندارى عانا ەمەس, ءوڭىر تۇرعىندارى دا بەلسەندى قاتى­سىپ جاتىر. ناقتىراق ايتساق,  ستۋ­دەنت­تەردىڭ 46%-ى ەلىمىزدىڭ ءتۇرلى ايماعىنان جينالعان. بۇل IT-ءبى­لىمدى ۇلتتىق دەڭگەيدە دامى­تۋعا ىقپال ەتەدى.

بيىل 79 وتاندىق IT-مەكتەپ پەن 1 IT-كومپانيا اككرەديتتەۋدەن ءوتىپ, ۆەب-باعدارلاما ازىرلەۋ, 3D-ديزاين مەن 3D AR/VR قوسىمشالار, كيبەرقاۋىپسىزدىك پەن IoT, جاساندى ينتەللەكت, ءموبيلدى قوسىمشالار جاساۋ, سونداي-اق «Big Data» مەن «GameDev» سياقتى وزەكتى باعىتتار قامتىلعان 178 كۋرس بويىنشا ماماندار دايارلاۋ مۇمكىندىگىنە يە بولدى.

ستاتيستيكاعا سۇيەنسەك,  «Tech Orda» تۇلەكتەرىنىڭ  88%-ى جۇمىس­قا ورنالاسقان. سونىڭ ىشىندە «Kaspi.kz», «Halyk Bank», «KPMG», «Ernst&Young», «تەڭىزشەۆرويل», «قاز­­مۇ­ناي­گاز», «Freedom Finance», «Kcell», «Air Astana», «Kolesa Group» سياقتى ءىرى كومپانيالاردا قىزمەت اتقارادى.

ال «Tomorrow School» – نيكولاس ساديراك ازىرلەگەن «01 Edu» پلاتفورماسىندا يننوۆاتسيالىق «peer-to-peer» وقىتۋ جۇيەسىن پايدا­لانا­تىن بىرەگەي جاساندى ينتەللەكت مەكتەبى. اتالعان مەكتەپ باعدارلامالاۋ داعدىلارىن نولدەن باستاپ ۇيرەتەدى. مۇنداعى وقىتۋ ستۋدەنتتەردىڭ ءوزارا كومەگى مەن توپتىق جۇمىسىنا نەگىزدەلگەن, ياعني  مۇعالىمدەر مەن ءداستۇرلى ساباقتار بولمايدى. ودان بولەك, بارلىق ستۋدەنتتىڭ استانا قالاسىنداعى «Astana Hub» تەحنوپاركى الاڭىندا وفلاين فورماتتا تەگىن وقۋ مۇمكىندىگى بار. مەكتەپ تاۋلىك بويى (24/7) جۇمىس ىستەيدى, ستۋدەنتتەر وزدەرىنە ىڭعايلى وقۋ كەستەسىن قۇرادى.

ىرىكتەۋ ۇمىتكەرلەردىڭ لوگيكالىق ويلاۋ دەڭگەيىن تەكسەرەتىن 2 ونلاين ويىننان جانە «باسسەين» دەپ اتالاتىن وقىتۋدىڭ كىرىسپە كەزەڭىنە تىكەلەي قاتىسۋدى كوزدەيتىن بولىمنەن تۇرادى. ءبىرىنشى «باسسەين» 17 قاراشاعا دەيىن وتەدى, مۇندا قاتىسۋشىلار باعدارلامالاۋ الەمىنە تەرەڭىرەك بويلاپ, وقۋدى جالعاستىرۋ ءۇشىن ءوز مۇمكىندىگىن باعالايدى. ىرىكتەۋدەن وتكەننەن كەيىن قاتىسۋشىلار 18 ايلىق نەگىزگى وقىتۋعا كوشەدى. بۇل كەزەڭدە ولار 50-دەن استام جوبانى جۇزەگە اسىرىپ, «Golang», «Rust», «JavaScript», «Python» جانە باسقا دا 20-دان اس­تام باعدارلامالاۋ ءتىلىن مەڭگەرەدى. سوڭعى كەزەڭدە قاتىسۋشىلار جي-ينجەنەرى, باعدارلامالىق قام­تاماسىز ەتۋدى دايىنداۋشى,  ءمو­بيلدى قوسىمشالار ازىرلەۋشىسى, DevOps ينجەنەرى, IT جۇيەلەرىنىڭ ساۋلەتشىسى, كيبەرقاۋىپسىزدىك مامانى جانە بەينەويىندار ازىرلەۋشىسى سىندى ماماندىقتاردىڭ ءبىرىن تاڭدايدى.