تۇركيانىڭ كودجاەلي پروۆينتسياسىندا ورنالاسقان گەبزە قالاسىنداعى تۇرعىن ۇيلەردىڭ بىرىندە تابيعي گاز جارىلعان. توتەنشە جاعداي سالدارىنان جەتى ادام زارداپ شەككەن, ونىڭ ۇشەۋىنىڭ جاعدايى اۋىر, دەپ حابارلايدى Egemen.kz.
وقيعا كەشكى ۋاقىتتا, ۇيدە تۇرعىندار بار كەزدە بولعان. توتەنشە جاعدايدىڭ سالدارىن جويۋ ءۇشىن دەرەۋ وقيعا ورنىنا قۇتقارۋ قىزمەتتەرى جەتكەن.
جەرگىلىكتى بيلىكتىڭ مالىمەتىنشە, زارداپ شەككەندەردىڭ ۇشەۋىنىڭ جاعدايى اۋىر, ولار شۇعىل تۇردە اۋرۋحاناعا جەتكىزىلگەن. قالعاندارى ورتاشا دەڭگەيدە جاراقات العان.
جارىلىس سالدارىنان ءۇيدىڭ ءبىر بولىگى تولىعىمەن قيراپ قالعان.
قۇتقارۋشىلار وقيعا ورنىندا جۇمىستى جالعاستىرىپ, شىعىن كولەمىن انىقتاپ, قيراندىلار استىنان زارداپ شەككەندەردى ىزدەۋ جۇمىستارىن ءالى دە جالعاستىرىپ جاتىر. جەرگىلىكتى بيلىك الداعى ۋاقىتتا وسىنداي وقيعالاردى بولدىرماۋ ماقساتىندا جارىلىستىڭ ناقتى سەبەبىن انىقتاۋ ءۇشىن تەكسەرۋ جۇمىستارىن باستادى.
«وسى وقيعاعا بايلانىستى تابيعي گازدى پايدالانۋ كەزىندە قاۋىپسىزدىك ەرەجەلەرىن ساقتاۋدىڭ ماڭىزدىلىعى جانە تۇرعىن ۇيلەردەگى گاز جۇيەلەرىن, اسىرەسە, جىلىتۋ ماۋسىمىندا ۇنەمى تەكسەرىپ تۇرۋ قاجەتتىگى تۋرالى ماسەلە تاعى دا كوتەرىلىپ وتىر», دەيدى ۋاكىلەتتى شەنەۋنىكتەر.